قازگيدرومەت: اقپاننىڭ 18 ءى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، قازاقستاننىڭ باسىم بولىگىندە وڭتۇستىك كاسپي تسيكلونىنىڭ وتۋىمەن بايلانىستى جاڭبىر مەن قار جاۋادى، سولتۇستىك جانە باتىس اۋدانداردا جاۋىن-شاشىن مول كولەمدە تۇسەدى. تەك ەلىمىزدىڭ وڭتۇستىگىندە انتيتسيكلون جوتاسىنىڭ اسەرىنەن جاۋىن-شاشىن بولمايدى.
رەسپۋبليكانىڭ كەي جەرلەرىندە تۇمان ءتۇسىپ كوكتايعاق، جەل كۇشەيىپ، بۇرقاسىن بولادى.
اقمولا وبلىسىنىڭ باسىم بولىگىندە جەل سەكۋندىنا 15-20 مەتر جىلدامدىقپەن سوعادى، كەي جەرلەرىندە 23-28 م/س بولادى. سونداي-اق، تۇمان ءتۇسىپ، كوكتايعاق، بۇرقاسىن بولادى.
قوستاناي وبلىسىنىڭ كەي جەرلەرىندە جەل 15-20 م/س، كۇندىز كەي جەرلەرىندە 25 م/س جىلدامدىقپەن سوعادى. كەي جەرلەرىندە تۇمان، كوكتايعاق، بۇرقاسىن بولادى.
سولتۇستىك قازاقستان وبلىسىنىڭ باسىم بولىگىندە كۇندىز جەلدىڭ جىلدامدىعى سەكۋندىنا 15-20 مەترگە جەتەدى، كەي جەرلەرىندە ەكپىنى 23-28 م/س- قا دەيىن بارادى. سونداي-اق كەي جەرلەردى تۇمان ءتۇسىپ، بۇرقاسىن بولادى.
اقتوبە، اتىراۋ وبلىستارىنىڭ باسىم بولىگىندە، كۇندىز كەي جەرلەرىندە جەل 15-20 م/س- قا دەيىن كۇشەيەدى، كەي جەرلەرىندە جاياۋ بۇرقاسىن بولادى. اقتوبە وبلىسىنىڭ كەي جەرلەرىندە كوكتايعاق بولىپ، تۇمان تۇسەدى.
قاراعاندى، شىعىس قازاقستان وبلىستارىنىڭ كەي جەرلەرىندە كوكتايعاق بولىپ، تۇمان تۇسەدى، جاياۋ بۇرقاسىن بولادى. جەلدىڭ جىلدامدىعى سەكۋندىنا 15-20 م/س- قا جەتەدى.
شىعىس قازاقستان وبلىسىنىڭ جارما اۋدانىندا جەلدىڭ ەكپىنى 25 م/س، قاراعاندى وبلىسىندا كۇندىز ەكپىنى 23 م/س- قا دەيىن كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولادى. جەلدىڭ جىلدامدىعى سەكۋندىنا 15-20 مەترگە جەتەدى.
پاۆلودار، باتىس قازاقستان وبلىستارىنىڭ كەي جەرلەرىندە جاياۋ بۇرقاسىن كۇتىلەدى، جەل 15-20 م/س جىلدامدىقپەن سوعادى. پاۆلودار وبلىسىنىڭ كەي جەرلەرىندە كوكتايعاق بولادى، باتىس قازاقستان وبلىسىنىڭ كەي جەرلەرىندە تۇمان تۇسەدى.
قىزىلوردا، تۇركىستان وبلىستارىنىڭ كەي جەرلەرىندە تۇمان ءتۇسىپ، جەل 15-20 م/س جىلدامدىقپەن ەسەدى.
قىزىلوردا وبلىسىنىڭ كەي جەرلەرىندە كوكتايعاق بولادى.
جامبىل وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى، كۇندىز كەي جەرلەرىندە جەل 15-20 م/س جىلدامدىقپەن سوعادى.
الماتى وبلىسىنىڭ جالاڭاشكول اۋدانىندا جەلدىڭ جىلدامدىعى سەكۋندىنا 17-22 مەترگە جەتەدى، ەكپىنى 27 م/س بولادى.