اقتوبەدە 18 جاستاعى سپورتشىنى اتىپ كەتتى
اقتوبە قالاسىندا كيوكۋشينكاي كاراتەدەن ازيا كۋبوگىنىڭ يەگەرى داۋلەت حايروللانى اتىپ كەتتى. بۇل وقيعاعا قاتىستى وبلىستىق پوليتسيا دەپارتامەنتى باسپا ءسوز قىزمەتىنىڭ جەتەكشىسى ەربولات سارقۇلوۆ شاعىن اقپارات تاراتتى.
«4-اقپان كۇنى ءبىر توپ جاس تانىس قىزدىڭ تۋعان كۇنىن اتاپ ءوتۋ ءۇشىن قالانىڭ ەسكى بولىگىندە ءۇيدى جالداعان. شارا بارىسىندا جاستار اراسىندا قاقتىعىس بولىپ، ونىڭ سالدارىنان اتىس قارۋىن قولدانۋ ارقىلى كىسى ءولتىرۋ دەرەگى تىركەلدى. جەدەل- ىزدەستىرۋ شاراسى بارىسىندا كۇدىكتى انىقتالىپ، ۇستالدى. ول كىسى ولتىرگەنىن تولىق مويىنداپ، قىلمىس قۇرالىن جاسىرعان جەردى كورسەتتى. كىسى ءولتىرۋ فاكتىسى بويىنشا ق ر ق ك 99-بابىمەن سوتقا دەيىنگى تەرگەۋ جۇرگىزىلىپ جاتىر. كۇدىكتى اقتوبە قالاسىنداعى ۋاقىتشا ۇستاۋ يزولياتورىنا قامالدى»، - دەپ جازىلعان باسپا ءسوز حابارلاماسىندا.
ايتا كەتەيىك، كوز جۇمعان داۋلەت حايروللا اقتوبە قالاسىنىڭ تۇرعىنى. ول مەكتەپ بىتىرگەن سوڭ سپورت سالاسىن تاڭداپ، جوعارى وقۋ ورنىنا ءتۇستى. كىشكەنتاي كەزىنەن سپورتتى سەرىك ەتكەن بوزبالا وبلىستىق قۇراما ساپىندا بولدى.
«قازاقستان بىرىنشىلىگىنىڭ كۇمىس جۇلدەگەرى، ازيا كۋبوگىنىڭ يەگەرى، قازاقستان كۋبوگىنىڭ يەگەرى، قوڭىر بەلبەۋ يەگەرى. 18 جاستاعى جىگىت بىرەر كۇننەن سوڭ قازاقستان كۋبوگىنە بارۋى ءتيىس ەدى.
«ەل نامىسىن قورعار ۇزدىك سپورتشىمىزدان ايىرىلىپ قالعانىمىزدى بۇگىن تاڭدا ەستىدىم»، - دەدى وبلىستىق دەنە شىنىقتىرۋ جانە سپورت باسقارماسىنىڭ باسشىسى ەۆگەني گونچاروۆ. داۋلەت حايروللانى 2013 -جىلدان بەرى الىشەر ق ۇلىنتاي جاتتىقتىردى.
قايعىلى وقيعانى ەستىگەندە ەسەڭگىرەپ قالعانىن ايتتى جاتتىقتىرۋشى.
«داۋلەت كوماندانىڭ ۇزدىگى بولدى. كوپ ءۇمىت ارتىپ ەدىك. وزگە زامانداستارىنا ۇلگى بولعان سپورتشىدان قاپىدا ايىرىلىپ قالدىق. باۋىرمال، اشىق مىنەزدى جىگىتتىڭ ورتامىزدا جوق ەكەنىن ەستىگەندە قاتتى قايعىردىم»، - دەدى ول.