تۇركيادا كوروناۆيرۋس جۇقتىرعاندار سانى 18 گە جەتتى
انكارا. قازاقپارات - انادولى - تۇركيادا جاڭا ۇلگىدەگى كوروناۆيرۋس (Covid-19) جۇقتىرۋدىڭ تاعى 12 جاعدايى تىركەلدى، دەپ جازدى تۇركيا رەسپۋبليكاسى دەنساۋلىق ساقتاۋ مينيسترلىگىنىڭ باسشىسى فااحرەتتين كودجا تۆيتتەردە.
بۇل تۋرالى قازاقپارات انادولى اگەنتتىگىنە سىلتەمە جاساپ حابارلايدى.
وسىلايشا، ەلدە اۋرۋ جۇقتىرعاندار سانى 18 ادامعا جەتتى.
«جاڭادان اۋرۋ جۇقتىرعاندار سانى 12 بولدى. قازىرگى ۋاقىتتا ناۋقاستاردىڭ جالپى سانى - 18 ادام»، - دەدى ۆەدومستۆو باسشىسى.
ونىڭ ايتۋىنشا، كوروناۆيرۋسقا تاپسىرعان سىناماسى وڭ ناتيجە بەرگەن ەكى ناۋقاس تۇركيادا COVID-19 ۆيرۋسىن ءبىرىنشى جۇقتىرعاندارمەن بايلانىستا بولعان.
كودجانىڭ ايتۋىنشا، اۋرۋ جۇقتىرعانداردىڭ جەتەۋى - ەۋروپا ەلدەرىندە، ۇشەۋى – ا ق ش- تا بولعان.
