كوروناۆيرۋس: قازاقستان ۋحاننان 18 قىرعىزستاندىق ستۋدەنتتى ەۆاكۋاتسيالادى

بىشكەك. كابار - قازاقپارات - قىرعىزستانعا قىتايدىڭ ۋحان قالاسىنان 18 ستۋدەنت جەتكىزىلدى.

بۇل تۋرالى قىرعىزستاننىڭ دەنساۋلىق ساقتاۋ مينيسترلىگى حابارلادى.

مينيسترلىك تاراتقان مالىمەتتەر بويىنشا، كەشە 2- اقپان كۇنى ارنايى بورتپەن نۇر-سۇلتان قالاسى ارقىلى 18 قىرعىز ستۋدەنتى بىشكەككە جەتكىزىلدى.

«ولار اۋەجايدا ءتيىستى تەكسەرۋدەن وتكىزىلىپ، بىشكەك قالاسىنىڭ ماڭىنداعى اۋرۋحاناعا جاتقىزىلدى»، - دەپ حابارلادى مينيسترلىك وكىلدەرى.

كارانتين كەزىندە ۋحاننان جەتكىزىلگەن ازاماتتارمەن ازىرگە مەديتسينا ماماندارى عانا بايلانىستا.

«قوسىمشا مالىمەتتەر ءۇشىن قىرعىزستانىڭ دەنساۋلىق ساقتاۋ مينيسترلىگىنىڭ شۇعىل شتابىنان بىلۋگە بولادى. 01312660663»، - دەلىنگەن حابارلامادا.