تۇمان، كوكتايعاق، ەكپىندى جەل: 18- جەلتوقسان كۇنگى اۋا رايى
سولتۇستىك-شىعىستا جانە شىعىستا كۇن اشىق، جاۋىن-شاشىنسىز بولادى. جەكەلەگەن وڭىرلەردە تۇمان، كوكتايعاق، ەكپىندى جەل ساقتالادى، دەپ حابارلايدى قازاقپارات.
«قازگيدرومەت» ر م ك مالىمەتىنشە، باتىس قازاقستان، اقتوبە، اتىراۋ، ماڭعىستاۋ، قوستاناي وبلىستارىنىڭ كەي جەرلەرىندە تۇمان، كوكتايعاق بولجانادى. قوستاناي وبلىسىندا، كۇندىز باتىس قازاقستان، اقتوبە وبلىستارىندا بۇرقاسىن بولىپ، جەلدىڭ كۇشى 15-20 م/س ارتادى.
قىزىلوردا وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولىپ، تاڭەرتەڭ جانە كۇندىز جەل 15-20 م/س كۇشەيەدى.
جامبىل، تۇركىستان وبلىستارىنىڭ كەي جەرلەرىندە تۇمان كۇتىلەدى، جەلدىڭ ەكپىنى 15-20 م/س ارتادى. جامبىل وبلىسىنىڭ كەي جەرلەرىندە كوكتايعاق كۇتىلەدى.
قاراعاندى، اقمولا وبلىستارىنىڭ كەي جەرلەرىندە تۇمان، كۇندىز جاياۋ بۇرقاسىن جۇرەدى. قاراعاندى وبلىسىندا سونداي-اق كوكتايعاق بولادى.
پاۆلودار، شىعىس قازاقستان وبلىستارىندا تۇندە جانە تاڭەرتەڭ تۇمان كۇتىلەدى. شىعىس قازاقستان وبلىسىنىڭ كۇندىز كەي جەرلەرىندە جەل 15-20 م/س كۇشەيەدى.
الماتى وبلىسىنىڭ كەي جەرلەرىندە تۇمان، كوكتايعاق كۇتىلەدى، كۇندىز جالاڭاشكول اۋماعىندا جەل 18-23 م/س ارتادى.
