ترامپ: اۋعانستاندا 18 جىلعا سوزىلعان سوعىس اياقتالۋى كەرەك
بۇل تۋرالى ۆاشينگتوندا وتكەن كەزەكتى وتىرىستا ا ق ش- تىڭ مەملەكەتتىك حاتشىسى مايك پومپەو مالىمدەدى.
ساراپشىلار قۇراما شتاتتاردىڭ بۇل شەشىمىن قولداپ جاتسا، ەندى ءبىرى حالىقارالىق قولداۋسىز اۋعانستاندا لاڭكەستەردىڭ ىقپالى ارتىپ كەتۋى مۇمكىن دەگەندى ايتادى. ازىرگە ناقتى قانشا اسكەردىڭ شىعارىلاتىنى بەلگىسىز. مايك پومپەونىڭ مالىمدەمەسىنە سۇيەنسەك، بارلىق امەريكالىق اسكەر ەلىنە ورالۋ كەرەك. بۇگىندە اۋعانستان اۋماعىندا ولاردىڭ سانى 14 مىڭدى قۇرايدى.
اۋعانستاندا 18 جىلعا سوزىلعان سوعىس اياقتالۋى كەرەك. اق ءۇي باسشىسى دونالد ترامپ وسىلاي دەپ، ونداعى اسكەرلەرىن ەلىنە قايتارۋ شەشىمىن قابىلدادى. بۇل ۇدەرىس 2020 -جىلدىڭ 3 - قاراشاسى، ياعني پرەزيدەنتتىك سايلاۋعا دەيىن اياقتالۋى ءتيىس.
جالپى ترامپ امەريكالىق اسكەرلەردى اۋعانستاننان شىعارامىن دەپ 2016 -جىلى سايلاۋالدى ناۋقانىندا ۋادە بەرگەن ەدى. دەگەنمەن، پرەزيدەنتتىك لاۋازىمعا تاعايىندالعان سوڭ كەرىسىنشە، اۋعانستانداعى اسكەرلەرىن كۇشەيتە ءتۇستى. قازىر وندا بارلىعى 14 مىڭداي ا ق ش اسكەرى بار.
مايك پومپەو، ا ق ش مەملەكەتتىك حاتشىسى:
- ماعان امەريكا قۇراما شتاتتارىنىڭ پرەزيدەنتىنەن تىكەلەي تاپسىرما كەلىپ ءتۇستى. ول وڭىردەگى ۇزاققا سوزىلعان سوعىسقا نۇكتە قويۋ كەرەكتىگىن ايتتى. اۋعانستاننان اسكەريلەردى شىعارۋ تاپسىرماسىن بەردى. جانە بۇل ۇدەرىستى تەك ءبىز عانا جاسايمىز. وڭىردەگى شەت ەلدىك اسكەريلەر سانى ازايادى دەپ ويلايمىز. دونالد ترامپ 2020 -جىلى وتەتىن پرەزيدەنتتىك سايلاۋعا دەيىن اۋعانستانداعى ا ق ش اسكەري كۇشتەرىن ەلگە قايتارماق.
كوپتەگەن ەلدەر بۇل شەشىمدى قولداپ وتىر. ساراپشىلار قۇراما شتاتتاردىڭ بۇل شەشىمىن قولداپ جاتسا، ەندى ءبىرى حالىقارالىق قولداۋسىز اۋعانستاندا لاڭكەستەردىڭ ىقپالى ارتىپ كەتۋى مۇمكىن دەگەندى ايتادى. اۋعانستانداعى اسكەري وپەراتسيانى ا ق ش تاراپى 2001 -جىلى باستاعان ەدى. 11 - قىركۇيەكتەگى تەراكتىگە جاۋاپ رەتىندە وڭىرگە امەريكالىق اسكەرلەردى جىبەرە باستادى.
پەنتاگوننىڭ «ەركىندىك» وپەراتسياسى 2014 -جىلى اياقتالعانىمەن، لاڭكەستىك ىقپالدى باقىلاۋدا ۇستاۋ ءۇشىن امەريكالىق اسكەريلەر ەل اۋماعىنا بۇگىنگە دەيىن جىبەرىلىپ وتىردى. اۋعانستاندىق دەپۋتات ەلدەن شەتەلدىك اسكەرلەر كەتسە، «لاڭكەستىك ىقپالمەن ەلدىڭ قارۋلى كۇشتەرى كۇرەسە المايدى» دەگەندى ايتادى.
حاليما كاريمي، اۋعانستان پارلامەنتى تومەنگى پالاتاسىنىڭ دەپۋتاتى:
- ب ا ق جارىسا جازىپ جاتقان جاڭالىقتار شىنىمەن دە راستالادى دەپ ويلايمىن. دەگەنمەن، امەريكالىق تاراپتىڭ جوسپارلارى تەز وزگەرىپ وتىرادى. سوندىقتان ءىس جۇزىندە اسكەريلەرىن اكەتپەيىنشە، ەشقانداي مالىمدەمە جاساي المايسىڭ. ءبىر جاعىنان اۋعانستان اسكەرى بۇل حالىقارالىق قولداۋسىز «تاليباندارعا» قارسى تۇرا الا ما دەگەن سۇراق تۋىندايدى.
اۋعانستاندا تۇراقتىلىق ورناتۋ ءۇشىن 2018 -جىلدىڭ ماۋسىم اينىنان بەرى ا ق ش تاراپى «تاليبان» راديكالدى توبىنىڭ وكىلدەرىمەن تىكەلەي كەلىسسوزدەر جۇرگىزىپ كەلەدى. پومپەونىڭ ايتۋىنشا، تاراپتار ورتاق كەلىسىمگە كەلىپ وتىر. ياعني شەتەلدىكتەر اسكەرلەرىن ەلدەن شىعارادى، تيىسىنشە «تاليبان» راديكالدى قوزعالىسى وڭىردە لاڭكەستىك توپتىڭ قاپتاپ كەتپەۋىنە ۋادە بەرەدى.
دەگەنمەن، قانشا كەلىسسوزگە قاراماستان، وڭىردە سوعىس ءالى دە جالعاسىپ جاتىر. كەشە عانا ناتو لاڭكەستەرمەن كۇرەس كەزىندە ەكى اسكەريدىڭ قازا تاپقانىن مالىمدەدى. 2019 -جىلدىڭ 29 - ماۋسىم كۇنى لاڭكەستەرمەن كۇرەس كەزىندە ەكى امەريكالىق اسكەري كوز جۇمدى. ا ق ش قورعانىس مينيسترلىگىنىڭ ءتارتىبى بويىنشا قازا تاپقانداردىڭ جاقىندارىنا حابار جەتپەيىنشە، قۇربانداردىڭ ەسىمدەرى قۇپيا ساقتالىنادى.
www.24.kz