تاماققا تۇكىرگەن جەتكىزۋشى ازامات 18 جىلعا دەيىن اباقتىعا جابىلۋى مۇمكىن

 استانا. قازاقپارات - تۇركيادا پيسساعا تۇكىرگەن كۋرەردىڭ سوتى باستالدى.

ول 18 جىلعا دەيىن اباقتىعا جابىلۋى مۇمكىن.

وقيعا ناۋرىز ايىندا ەسكيشەحير قالاسىندا بولعان. پيسسانى جەتكىزۋشى جىگىت تاماققا تۇكىرىپ، تاپسىرىس بەرۋشىگە اپارعان.

ال كۋرەردىڭ ءوزى پيسساعا تۇكىرمەگەنىن ايتادى. «مەن پيسساعا تاپسىرىس بەرگەن ەر ادامنىڭ مەنىڭ تاپسىرىس قابىلداعان ارىپتەسىم ەيليندى بالاعاتتاعانىن ءبىلدىم. ونىڭ قيىن كليەنت ەكەنىن بىلەتىنمىن. مەن پيسسانىڭ قورابىن پيسسانىڭ ءبۇتىن ەكەنىن تەكسەرۋ ءۇشىن اشتىم. سودان كەيىن سۋرەتكە ءتۇسىرىپ، ەيلينگە جىبەردىم. مەن پيسساعا تۇكىرگەن جوقپىن» - دەيدى.

ال تاپسىرىس بەرۋشى بولسا ەشكىمدى بالاعاتتاماعانىن ايتادى. ول پيسسانىڭ ەكى ءتىلىمىن جەگەننەن كەيىن كونسەرج- جيەنىنەن «پيسسانى جەمە» دەگەن حابارلاما كەلگەن. سودان كەيىن ولار ۆيدەوباقىلاۋ كامەراسىن قاراپ، كۋرەردىڭ پيسسانىڭ قورابىن اشىپ ۇڭىلگەنىن كورگەن.

قىلمىستىق سوت تىڭدالىمدى اقپان ايىنا قالدىرعان. وعان دەيىن ساراپشىلار ەر ادامنىڭ پيسسانى تولىقتاي جەگەن جاعدايدا ۋلانۋ مۇمكىندىگىن انىقتاۋى ءتيىس.

 

دەرەككوز: https://lenta.ru