قىتايدا كۇنىنە 18 مىڭ جاڭا كاسىپورىن اشىلادى

استانا. قازاقپارات - قىتايدا 2018-جىلدىڭ ءبىرىنشى جارتىجىلدىعىندا جاڭا كاسىپورىندار سانىنىڭ تۇراقتى وسكەنى انىقتالدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

مەملەكەتتىك نارىقتى رەتتەۋ باسقارماسىنىڭ دەرەگى بويىنشا، التى ايدىڭ ىشىندە 3,27 ميلليون جاڭا كاسىپورىن اشىلعان. بۇل كورسەتكىش وتكەن جىلمەن سالىستىرعاندا 12,5 پروتسەنتكە ارتىق.

وسىلايشا، قىتايدا ءبىرىنشى جارتىجىلدىقتا كۇن سايىن ورتا ەسەپپەن 18,1 مىڭ جاڭا كاسىپورىن پايدا بولعان.

بيزنەس احۋالدى جاقسارتۋ جانە بيزنەستى جۇرگىزۋ شارتتارىن وڭتايلاندىرۋ اياسىندا قىتايدىڭ 22 وڭىرىندە كاسىپورىنداردى ونلاين-تىركەۋ ەنگىزىلگەن. سونداي-اق، اكىمشىلىك پروتسەدۋرالاردى جەڭىلدەتۋ نارىقتان 388 مىڭ كاسىپورىننىڭ كەتۋىنە ىقپال ەتكەن.