قاراعاندىدا ورىسشا اتالاتىن 18 كوشەنىڭ اتى اۋىستىرىلادى

None
None
استانا. قازاقپارات - قاراعاندى قالاسىندا 18 كوشەنىڭ اتاۋى وزگەرتىلمەك.

وسى ورايدا، قالا تۇرعىندارى ءوز پىكىرلەرىن ءبىلدىرۋ ءۇشىن بۇقارالىق تىڭداۋلارعا شاقىرىلادى، دەپ حابارلايدى قازاقپارات وبلىس اكىمدىگىنىڭ رەسمي سايتىنا سىلتەمە جاساپ.

جالپى حالىقتىق تالقىلاۋدى قالانىڭ قوعامدىق كەڭەسى وتكىزۋدە.

اتاپ وتىلگەندەي، تىزىمگە نەگىزىنەن ەسكى اتاۋلارى بار كوشەلەر ەندى.

بۇگىندە كوشە اتاۋلارىن اۋىستىرۋ ءتارتىبى زاڭنامامەن بەكىتىلگەن. ول كەزەڭ-كەزەڭمەن ىسكە اسىرىلادى. قورىتىندى شەشىمدى حالىق قابىلدايدى. ءبىرىنشى كەزەڭدە قالا تۇرعىندارىنىڭ قاتىسۋىمەن قوعامدىق تىڭداۋلار ءوتۋى ءتيىس.

مۇندا بارلىق ۇسىنىس-پىكىرلەر نازارعا الىنادى. سونان سوڭ قوعامدىق تىڭداۋلار حاتتاماسى نەگىزىندە قالالىق اكىمدىكتىڭ قاۋلىسى شىعارىلادى. ودان ءارى شەشىمدى قالالىق ءماسليحات سەسسياسىندا دەپۋتاتتار قابىلدايدى. بۇدان كەيىن ماتەريالدار وبلىستىق تىلدەردى دامىتۋ باسقارماسىنا قۇجاتتار توپتاماسىن ازىرلەۋ ءۇشىن جىبەرىلەدى. قورىتىندى شەشىمدى رەسپۋبليكالىق ونوماستيكالىق كوميسسيا قابىلدايدى.

قوعامدىق تىڭداۋلار 2018 -جىلدىڭ 3 -ءساۋىرى كۇنى (ساعات 17.00-دە) وداقتار ۇيىندە وتەدى.

اتاۋىن اۋىستىرۋ جوسپارلانعان كوشەلەر:

1. 3- كوچەگاركا

2. ناسىپنايا

3. وتۆالنايا

4. پاروۆوزنايا

5. پاحوتنايا

6. رەۆوليۋتسيوننايا

7. باتارەينايا

8. بولوتنايا

9. گرەيدەرنايا

10. كومينتەرنا

11. مانۋفاكتۋرنايا

12. پيونەرسكايا

13. رابكوروۆسكايا

14. سوۆحوزنايا

15. سوتسياليستيچەسكايا

16. تورپەدنايا

17. پورتوۆسكايا

18. پيكەتنايا

سوڭعى جاڭالىقتار