سۇلۋلىق بايقاۋىندا 18 جاستاعى مودەل «سەمەي ارۋى» اتاندى - فوتو
بۇل تۋرالى «قازاقپارات» ح ا ا ءتىلشىسى كونكۋرستىڭ Instagram-داعى رەسمي پاراقشاسىنا سىلتەمە جاساپ حابارلايدى.
سەمەي ارۋى اتانعان دينارا بايمۇراتوۆا 18 جاستا. ەندى ول استانادا وتەتىن «قازاقستان ارۋى - 2017» بايقاۋىندا ءوز قالاسىنىڭ نامىسىن قورعايتىن بولادى.
سەمەيدەگى ارۋلار بايقاۋىندا دينارا فينالعا وتكەن توعىز قىزدىڭ ءبىرى بولدى. «العاش رەت «Miss Semey - 2017» كونكۋرسىندا قازىلار القاسىنىڭ قۇرامىندا بولدىم. قىزداردىڭ ءبارى بىرىنەن وتكەن ءبىرى سۇلۋ. جەڭىمپازدى انىقتاۋ قيىن بولدى، ءبىراق ۇزاق تالقىلاۋدان كەيىن ءبىر ۇمىتكەردى تاڭدادىق - دينارا بايمۇراتوۆا «سەمەي ارۋى-2017» اتاندى.
ءبىرىنشى ۆيتسە-ميسس - ءمولدىر سەيىتقازينا، ەكىنشى ۆيتسە-ميسس - داميرا بادريتتەنوۆا، ءۇشىنشى ۆيتسە-ميسس ديانا ادىلبەكوۆا بولدى»، - دەپ جازدى «قازاقستان-سەمەي» تەلەارناسىنىڭ ديرەكتورى ارسەن بەكتاسوۆ الەۋمەتتىك جەلىدەگى پاراقشاسىنا.
ەسكە سالايىق، 2016-جىلى دينارا ماسكەۋدە وتكەن جوعارى ءسان اپتالىعىنا قاتىسىپ، پەر كاردەن توپتامالارىن كورسەتەتىن 20 ۇزدىك مودەلدىڭ قاتارىنا ەندى. سونداي-اق ول بۇعان دەيىن Miss Kazakh Beauty-2016, Young Miss Semey-2016, Miss Asian Beauty-2016 تيتۋلدارىن يەلەنگەن.
اۆتور: اقبوپە ءابدراسۋل
