15:16, 07 - قىركۇيەك 2017 | GMT +6
يران مەملەكەتىنە 18 توننا قوي ەتى جىبەرىلدى
استانا. قازاقپارات - يرانعا 18 توننا قوي ەتى جىبەرىلدى، دەپ حابارلايدى قازاقپارات ا ش م باسپا ءسوز قىزمەتىنە سىلتەمە جاساپ.
ق ر اۋىل شارۋاشىلىعى مينيسترلىگىمەن يران مەملەكەتىنىڭ بىرلەسكەن جۇمىسى اياسىندا قازاقستاننان يرانعا ءتىرى مال جانە سالقىنداتىلعان قوي ەتىن جەتكىزۋگە ۆەتەرينارلىق تالاپتارى كەلىسىلگەن بولاتىن. سونىمەن قاتار، قازاقستاننان يرانعا مۇزداتىلعان قوي ەتىن ەكسپورتتاۋ تالاپتارى دا ماقۇلدانعان. يران نارىعىنا قوي ەتى مەن ءتىرى مالدى ەكسپورتقا شىعارۋ تاياۋ شىعىس ەلدەرىنە (ب ا ءا، ساۋد ارابيا، كۋۆەيت، كاتار جانە ت. ب. ) ەكسپورتتىق الەۋەتتى ارتتىرۋعا مۇمكىندىك بەرەدى. باتىس قازاقستان وبلىسىنان يران مەملەكەتىنە جونەلتىلگەن كەزەكتى 18 توننا سالقىنداتىلعان قوي ەتى وسى كەلىسىمدەردىڭ ناقتى ناتيجەسى دەپ اتاپ وتۋگە بولادى. ەستەرىڭىزدە بولسا، ورالدىق شارۋالار بۇعان دەيىن دە 18 توننا قوي ەتىن ەكسپورتتاعان بولاتىن.