قازاقستاندا 18 ميلليونىنشى ادام قاشان دۇنيەگە كەلەتىنى بولجاندى
«2017-جىلدىڭ 1- اقپانىنداعى جاعدايعا سايكەس، قازاقستان حالقىنىڭ سانى - 17 ميلليون 945 مىڭ 300 ادام. ونىڭ ىشىندە، 10 ميلليون 305 مىڭ 700 ادام - قالادا، 7 ميلليون 639 مىڭ 600 ادام اۋىلدا تۇرادى. حالىقتىڭ 48,4 پايىزى - ەر ازاماتتار، 51,6 پايىزى - ايەل ازاماتتار»، - دەپ حابارلادى مينيسترلىكتىڭ باسپا ءسوز حاتشىسى سامال يبرايەۆا.
ونىڭ ايتۋىنشا، 2016-جىلدىڭ 1- اقپانىنان بەرى حالىق سانى 231 مىڭ 500 ادامعا نەمەسە 1,3 پايىزعا وسكەن ەكەن.
حالىق سانى ازاماتتىق حال اكتىلەرىن تىركەۋ قۇجاتتارىندا، سونداي-اق، كوشى-قون پوليتسياسىنىڭ مالىمەتتەرىنە ساي ەسەپتەلگەن. ال، كەيبىر الەمدىك سايتتاردىڭ رەيتينگتەرىندە كوبىنە ورتاشا تۋۋ دەڭگەيى ەسەپكە الىنىپ، وزدەرىنىڭ الگوريتمدەرىنە ساي دايىندالادى، دەپ اتاپ ءوتتى باسپا ءسوز حاتشى.
«قازاقستان حالقىنىڭ سانىن انىقتايتىن ەسەپتەۋىش ب ۇ ۇ- نىڭ مالىمەتتەرىنە سۇيەنە وتىرىپ، قازىر ەلىمىزدە 18 ميلليون حالىق تۇراتىنىن كورسەتكەن. ءبىراق، رەسمي ستاتيستيكاعا جۇگىنسەك، حالىق سانى ءالى 18 ميلليونعا جەتكەن جوق. ازىرشە، 1- اقپان بويىنشا ەلىمىزدەگى حالىق سانى 17 ميلليون 945 مىڭ شاماسىندا. اللا جازسا، 18 ميلليونىنشى قازاقستاندىق ءساۋىر ايىندا دۇنيەگە كەلەدى دەپ كۇتىلۋدە»، - دەپ حابارلادى ول.
اۆتور: كەنجەكەي توقتامۇرات قىزى
