سۋرەتكە تۇسەمىن دەپ 18- عاسىردىڭ ءمۇسىنىن قيراتتى
استانا. قازاقپارات - ليسسابوندا (پورتۋگاليا) ۇلتتىق ەجەلگى ونەر مۋزەيىن ارالاپ جۇرگەن تۋريست سەلفي جاساماق بولعان كەزىندە XVIII عاسىردىڭ باسىنداعى ءمۇسىندى ەدەنگە قۇلاتتى.
بۇل تۋرالى Daily Mail حابارلادى.
ازىرگە اتى- ءجونى اتالماي وتىرعان برازيليا ساياحاتشىسى ميحايل پەرىشتەنىڭ الدىندا تۇرىپ، ءوز پورترەتىن تۇسىرمەككە ارەكەتتەنگەن.
باسىلىمىنىڭ اقپاراتىنا قاراعاندا، ول كەيىن شەگىنگەن ساتتە ارا قاشىقتىقتى ەسەپتەمەگەن جانە بايقاماستان ونەر تۋىندىسىن يتەرىپ جىبەرگەن. ءمۇسىن جەرگە قۇلاپ، بىت- شىتى شىققان كورىنەدى.
ساراپشىلاردىڭ قورىتىندىسىنا قاراعاندا، قيراعان ءمۇسىندى قايتا قالپىنا كەلتىرۋ مۇمكىن ەمەس.
