ادام ءومىرىن 18 جىلعا ۇزارتۋدىڭ قۇپياسى ايتىلدى

ءار ادامنىڭ ءومىرىن 18 جىلعا ۇزارتۋعا بولادى ەكەن. ول ءۇشىن شىلىمنان باس تارتىپ، دەنە شىنىقتىرۋمەن اينالىسۋ كەرەك. مامانداردىڭ زەرتتەۋ جۇمىسى PLOS Medicine جۋرنالىندا جاريالاندى.
عالىمدار سالاۋاتتى ءومىر سالتىن ۇستانباۋ كەم دەگەندە ادام ءومىرىن 6 جىلعا قىسقارتاتىنىن انىقتاعان. جاستايىنان دۇنيەدەن وتەتىن ادامداردىڭ 26 پايىزىنىڭ اجالى شىلىمنان ەكەن. 24 پايىزى دەنە شىنىقتىرۋمەن اينالىسپاۋدىڭ سالدارى. 12 پايىزى دۇرىس تاماقتانباۋ. ال 0,4 پايىزى سپيرتتى ىشىمدىكتىڭ كەسىرىنەن بولىپ جاتادى ەكەن.
شىلىم شەگۋ ەرلەردىڭ ءومىرىن 3,1 جىلعا قىسقارتسا، ايەلدەردىڭ اجالىن 3 جىلعا جاقىنداتادى ەكەن. عالىمداردىڭ جاساعان زەرتتەۋىنىڭ قورىتىندىسى بويىنشا، ەكى ادامدى سالىستىرا كەلە جامان ادەتتەردەن بويىن اۋلاق ۇستاعانى 17,9 جىلعا ارتىق ءومىر سۇرەتىنى دالەلدەنگەن.
عالىمدار وسىنداي توقتامعا كەلمەس بۇرىن 2009-2010 -جىلدارداعى كانادا تۇرعىندارىنىڭ دەنساۋلىعى جايلى قۇجاتتاردى جيناعان. بۇعان دەيىن شۆەدتىك وقىمىستىلار ادام ءولىمىن شىلىم مەن فيزيكالىق قوزعالىستىڭ ازدىعى جاقىنداتا تۇسەدى دەگەن قورىتىندى جاساعان ەدى.