بيىل قازاقستاندا 18 مىڭ ادام كولىك جۇرگىزۋ قۇقىعىنان ايىرىلدى
بۇل تۋرالى ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتى 2016 -جىلدىڭ 7 ايىندا انىقتالعان اكىمشىلىك قۇقىق بۇزۋشىلىقتار تۋرالى مالىمەتىندە حابارلادى.
«قازاقستاندا وسى كۇنگە دەيىن رولگە ماس كۇيىندە وتىراتىن جۇرگىزۋشىلەر كوپ. بيىلعى جىلى عانا وسىنداي قۇقىق بۇزۋشىلىعى ءۇشىن اكىمشىلىك جاۋاپكەرشىلىككە 18 مىڭ ادام تارتىلدى. ولاردىڭ بارلىعى جۇرگىزۋ قۇقىعىنان ايىرىلدى»، - دەيدى كوميتەت وكىلدەرى.
باسقا قۇقىق بۇزۋشىلىعى ءۇشىن، 8 ميلليوننان استام ازامات جاۋاپقا تارتىلىپ، ولارعا ايىپپۇل بەلگىلەندى. تاعى 700 مىڭنان ارتىق قۇقىق بۇزۋشى ءار ءتۇرلى جازاعا تارتىلدى، ونىڭ ىشىندە 488 273 ى ەسكەرتۋ الدى، 42306 ازامات اكىمشىلىك قاماۋعا الىنعان، 27 مىڭعا جۋىعى ارنايى قۇقىعىنان ايىرىلعان.
اتاپ ايتقاندا، قۇقىق بۇزۋشىلار مەملەكەت بيۋدجەتىنە شامامەن 20 ميلليارد تەڭگەگە تارتا ايپپۇل تولەدى، ول بارلىق سالىنعان ايىپپۇل سوماسىنىڭ 55,6 پايىزىن قۇرايدى.
«ايىپپۇل العاشقى 7 تاۋلىك ىشىندە 50 پايىز جەڭىلدىكپەن تولەنەتىن جاعدايداعى اكىمشىلىك ءىس جۇرگىزۋدىڭ قىسقارتىلعان ءتارتىبى قۇقىق بۇزۋشىلارعا 4,8 ميلليارد تەڭگەدەن ارتىق سومانى ۇنەمدەپ قالۋعا مۇمكىندىك بەردى. بەرەشەكتى ۋاقىتىلى وتەۋ شەكارا اساتىن كەزدە، سونداي- اق رۇقساتتار مەن ليتسەنزيا الۋ كەزىندە، اۆتوكولىك قۇرالدارىن راسىمدەۋ كەزىندە كۇتپەگەن سالداردىڭ تۋىنداۋىنا جول بەرمەيتىندىگىن ەسكە سالامىز»، - دەپ حابارلادى كوميتەتتىڭ باسپا ءسوز قىزمەتى.
اۆتور: رۋسلان عابباسوۆ
