الماتىدا ءىز- ءتۇسسىز جوعالىپ كەتكەن 18 جاستاعى جۇلدىز ەرمانوۆا امان- ەسەن تابىلدى
«الماتىدا 1998 -جىلى تۋعان ج. س. ەرمانوۆانى ىزدەۋ ماقساتىندا ءبىزدىڭ بولىمشەدە قۇرىلعان تەرگەۋ- جەدەل توبى ونىڭ قايدا ەكەندىگىن انىقتادى. ج. س. ەرمانوۆا امان- ەسەن تابىلدى. قازىر ودان جاۋاپ الىنىپ جاتىر. الدىن الا دەرەكتەر بويىنشا بەلگىلى بولعانى، ج. ەرمانوۆا ۇيدەن ءوز ەركىمەن كەتكەن. وقيعانىڭ باسقا دا ءمان- جايى الداعى ءىس جۇرگىزۋ شاراسى بارىسىندا انىقتالاتىن بولادى»، - دەدى المالى اۋداندىق ءى ءى ب باستىعىنىڭ مىندەتىن اتقارۋشى، پوليتسيا پودپولكوۆنيگى رۇستەم ءابدىراحمانوۆ.
ەستەرىڭىزگە سالا كەتەلىك، ج. ەرمانوۆانىڭ ءىز- ءتۇسسىز جوعالعانى تۋرالى ارىز المالى اۋداندىق ىشكى ىستەر باسقارماسىنا 2016 -جىلدىڭ 2 - تامىزى كۇنى كەلىپ تۇسكەن بولاتىن. بەلگىلى بولعانىنداي، بويجەتكەن سودان ءبىر كۇن بۇرىن - 1 - تامىز كۇنى كەشكى ساعات 18:00-دە ۇيدەن شىعىپ كەتكەن. سودان قايتىپ ورالماعان. جۇمىس ءتارتىبى بويىنشا ىزدەۋ شارالارىن ۇيىمداستىرۋ جانە جۇزەگە اسىرۋ ماقساتىندا المالى اۋداندىق ىشكى ىستەر باسقارماسىندا ارنايى تەرگەۋ- جەدەل توبى قۇرىلدى.
ىزدەۋ شاراسىنا ەرىكتىلەردىڭ دە قاتىسقانىن ايتا كەتكەن ءجون.
اۆتور: ايبوتا جاپپاربەرگەن
