الماتى پوليتسياسى ءىز- ءتۇسسىز جوعالعان 18 جاستاعى جۇلدىز ەرمانوۆانى ىزدەستىرۋدە
بۇل تۋرالى بۇگىن الماتى قالالىق ءى ءى د باسپا ءسوز قىزمەتىنەن حابارلادى.
ىزدەۋ شاراسىنا ەرىكتىلەر دە قاتىسۋدا.
ول سوتقا دەيىنگى ءبىرىڭعاي تەرگەۋ تىزىلىمىنە ەنگىزىلدى.
«جۇمىس ءتارتىبى بويىنشا ىزدەۋ شارالارىن ۇيىمداستىرۋ جانە جۇزەگە اسىرۋ ماقساتىندا ارنايى تەرگەۋ- جەدەل توبى قۇرىلدى. ونىڭ قۇرامىنا كريمينالدىق پوليتسيا بولىمشەلەرى مەن جەرگىلىكتى پوليتسيا قىزمەتىنىڭ وكىلدەرى ەندى. قازىرگى تاڭدا ءبىز ءىز- ءتۇسسىز جوعالعان قىزدىڭ ءومىر ءسۇرۋ سالتىن جانە سوڭعى ۋاقىتتا ونىمەن تىلدەسكەن ادامداردى انىقتاپ جاتىرمىز»، - دەدى المالى اۋداندىق ىشكى ىستەر باسقارماسى باستىعىنىڭ مىندەتىن اتقارۋشى، پوليتسيا پودپولكوۆنيگى رۇستەم ءابدىراحمانوۆ.
«قازاقپارات» تىلشىسىنە تەلەفون ارقىلى بەرگەن جاۋابىندا جۇلدىزدىڭ اپكەسى اقشولپان ەرمانوۆا ءسىڭلىسىنىڭ 1 - تامىز كۇنى كەشكى ساعات 18:00-دە ۇيدەن شىعىپ كەتكەندىگىن ايتتى. سودان جۇلدىز ورالماعان. ول قىسقا دجينسي شالبار جانە ۇستىنە قوڭىر ءتۇستى كيىم كيگەن. اقشىل كوك ءتۇستى اسىنعان سومكەسى بار. كوزىلدىرىك تاققان. ورىلگەن ۇزىن شاشتى.
«ءسىڭلىم كەشكى اسقا كەلمەدى. سودان ءبىز ونىڭ دوستارىنا حابارلاسىپ، ءتۇنى بويى ىزدەدىك. 2 - تامىز كۇنى كۇندىز پوليتسيا بولىمىنە ارىز بەردىك. قازىر ىزدەستىرۋ جالعاسىپ جاتىر. ازىرگە ناتيجە بولماي تۇر. جۇلدىزدىڭ جىگىتى جوق. ول ادەتتە «مەلومان» دۇكەنىنە ءجيى باراتىن. ءبىراق، بەينەكامەراعا تۇسپەگەن. ونى ەشكىم كورمەپتى» ، - دەدى اقشولپان ەرمانوۆا.
سونداي- اق، اقشولپان جۇلدىزدى بىلەتىندەر بولسا حابارلاسۋلارىن، ال كۇشتەپ ۇستاپ تۇرعاندار بولسا، جىبەرۋلەرىن، بۇل ءۇشىن قىلمىستىق ءىس قوزعاتپايتىندارىن ايتتى.
جۇلدىزدى بىلەتىندەر نەمەسە ونى كورگەندەر بولسا، ونىڭ تۋىستارىنىڭ مىنا تەلەفون نومىرلەرىنە حابارلاسۋلارىنا بولادى:
87783608777; 87057999944
