08:44, 16 - قاراشا 2015 | GMT +5
قاراعاندى ءوڭىرىنىڭ ەڭ ادەمى ارۋى 18 جاستا - فوتو
استانا. قازاقپارات - 15- قاراشا كۇنى كەنشىلەر شاھارىنداعى ساكەن سەيفۋلين اتىنداعى تەاتردا «قاراعاندى ارۋى-2015» بايقاۋىنىڭ فينالى ءوتتى.
قاراعاندى ءوڭىرىنىڭ ەڭ ادەمى ارۋى اتانۋ ءۇشىن مۇندا 22 ۇمىتكەر باق سىناستى.
بايقاۋ قورىتىندىسى بويىنشا 18 جاسار رەناتا نۇرعازينا جەڭىمپاز اتاندى.
«بۇگىن مەن «قاراعاندى ارۋى-2015» اتاندىم. وزىمە قولداۋ كورسەتكەن بارشا جۇرتقا، ونىڭ ىشىندە اتا-اناما، دوستارىما، بىزبەن اسقان توزىمدىلىكپەن جۇمىس جاساعان جانداردىڭ بارلىعىنا زور العىسىمدى بىلدىرگىم كەلەدى. بايقاۋعا قاتىسقان قىزداردىڭ بارلىعى وتە ادەمى، ولاردىڭ ءارقايسىسى ارۋ ءتاجىن كيۋگە لايىق»، دەپ جازادى رەناتا ءوزىنىڭ ينستاگرامداعى پاراقشاسىندا.
ەندى ول 10 جەلتوقساندا استانادا وتەتىن، ەلىمىز بويىنشا ايماقتىق سىنداردىڭ جەڭىمپازدارى قاتىساتىن «قازاقستان ارۋى-2015» بايقاۋىندا باعىن سىنايتىن بولادى.
