باس پروكۋراتۋرا 18 قازاقستاندىق جەكە جوعارعى وقۋ ورنىن ليتسەنزياسىنان ايىرۋدى ۇسىندى
باس پروكۋراتۋرانىڭ تەكسەرىسى كەي مەملەكەتتىك ەمەس جوعارى وقۋ ورىندارى ءبىلىم بەرۋ مەن كاسىبي مامانداردى دايارلاۋعا قويىلاتىن تالاپتارعا جاۋاپ بەرمەيتىنىن كورسەتتى، دەپ حابارلادى قر باس پروكۋراتۋراسىنىڭ باسپا ءسوز قىزمەتىنەن.
باس پروكۋرور اسحات داۋىلبايەۆ اتاپ وتكەندەي، انىقتالعان زاڭ بۇزۋشىلىقتار عىلىم جانە ءبىلىم بەرۋ سالاسىن باقىلاۋ كوميتەتىنىڭ ءتيىستى تەكسەرۋ جۇرگىزبەيتىنىن اڭعارتتى.
تەكسەرىس ناتيجەسىندە پروكۋرورلار 62 ەسكەرتۋ جاسادى، سونىڭ ىشىندە 18 جەكە ج و و- نىڭ ليتسەنزياسىنىڭ كۇشىن ۋاقىتشا توقتاتۋ تۋرالى ۇيعارىمى بار. ج و و- لاردىڭ 40 قىزمەتكەرى تارتىپتىك جاۋاپكەرشىلىككە، 32 سى - اكىمشىلىك جاۋاپكەرشىلىككە تارتىلدى. 2 قىلمىستىق ءىس قوزعالدى.
اۋماقتىق پروكۋرورلارعا انىقتالعان ولقىلىقتاردى جويۋ بويىنشا قاداعالاۋ جۇرگىزۋدى كۇشەيتۋ تاپسىرىلدى.
