قازاقستاندىقتار ينچحونداعى ازيا ويىندارىندا 18 مەدال ولجالادى

استانا. قازاقپارات - قازاقستاندىقتاردىڭ 23- قىركۇيەكتەگى ازياداعا قاتىسۋ قورىتىندىسىن Sports.kz جاسادى.

كەشە وڭتۇستىك كورەيانىڭ ينچحون قالاسىنداعى ازيا ويىندارىنا قازاقستاندىقتار ون ءتورت سپورت ءتۇرى بويىنشا قاتىستى.

23- قىركۇيەكتەگى قاتىسۋ قورىتىندىسى بويىنشا قازاقستاندىق سپورتشىلار 18 مەدال: 4 التىن، 4 كۇمىس جانە 10 قولا جۇلدە ۇتتى.

«التىندى» يەلەنگەندەر: مارگاريتا ەليسەيەۆا (اۋىر اتلەتيكا)، ەلدوس سمەتوۆ (دزيۋدو)، تراپتان ايەلدەر قۇراماسى، دميتري بالاندين (ءجۇزۋ).

«كۇمىس» جۇلدەگە يە بولعاندار: زۋلفيا چينشانلو (اۋىر اتلەتيكا)، ماكسيم راكوۆ، ەرلەر قۇراماسى (دزيۋدو)، ەكاتەرينا رۋدەنكو (ءجۇزۋ).

«قولا» : الەكساندرا جانە ەكاتەرينا نەميچ، ايەلدەر قۇراماسى (سينحروندى ءجۇزۋ)، اندرەي موگيليەۆسكي (ستەندتىك اتۋ)، لەناريا مينگازوۆا، ازامات مۇقانوۆ، ماريان ۋردابايەۆا (بارلىعى - دزيۋدو)، قىلىشتاسۋدان ايەلدەر قۇراماسى، شپاگادان ەرلەر قۇراماسى (ەكەۋى دە سەمسەرلەسۋ)، ايەلدەر قۇراماسى (تەننيس)، نۇرسۇلتان تۇرسىنقۇلوۆ (ۋشۋ).

مەدالدار جيىنتىعى بويىنشا قازاقستان قىتاي، وڭتۇستىك كورەيا مەن جاپونيادان كەيىن ءتورتىنشى ورىندى الادى.