مەملەكەتتىك تۋدىڭ اۆتورى ش. نيازبەكوۆتى اقتىق ساپارعا شىعارىپ سالۋ ءراسىمى 18- تامىزدا وتەدى
ەستەرىڭىزگە سالا كەتەيىك، قازاقستانداعى ديزاين ونەرىنىڭ نەگىزىن قالاۋشىلاردىڭ ءبىرى، قازاقستاننىڭ ونەر قايراتكەرى، سۋرەتشى نيازبەكوۆ شاكەن وڭلاسىن ۇلى كەشە تاڭەرتەڭ 76 جاسقا قاراعان شاعىندا دۇنيەدەن وزدى.
قازاقستانداعى ديزاين ونەرىنىڭ نەگىزىن قالاۋشىلاردىڭ ءبىرى، قازاقستاننىڭ ونەر قايراتكەرى شاكەن نيازبەكوۆ 1938- جىلى 12- قازاندا كونە تاراز جەرىندە دۇنيەگە كەلگەن.
ونجىلدىق مەكتەپتى تاراز قالاسىندا بىتىرگەن سوڭ، لەنينگرادتىڭ كوركەمسۋرەت ۋچيليشەسىن، كەيىن ۆ. ي. مۋحين اتىنداعى سۋرەت ينستيتۋتىن بىتىرەدى. جاس قىلقالام يەسى وسى ستۋدەنتتىك جىلداردا ارحيتەكتۋرا الەمىنىڭ شەديەۆرلەرى ەرميتاجدى، پەتر سارايىن جاڭعىرتۋ جۇمىستارىنا قاتىسادى. ءبىرتۋار سۋرەتشى 1965- جىلى چەحوسلوۆاكيادا «گلوبۋس» تەلەديدارىنىڭ ديزاينى ءۇشىن التىن مەدالعا يە بولدى. شاكەن نيازبەكوۆ سونداي-اق «ۆولگا» جەڭىل اۆتوكولىگى ديزاينى اۆتورلارىنىڭ ءبىرى. بۇدان بولەك ول 1964- جىلى لەنينگرادتا اتاقتى «الەمدە بەيبىتشىلىك ورناسىن» («ميرۋ مير») پلاكاتى ءۇشىن ءبىرىنشى ورىندى العان. بەرتىن كەلە، ياعني 1982- جىلى الماتىداعى رەسپۋبليكا الاڭىن كوركەمدىك بەزەندىرۋ بايقاۋىنىڭ جەڭىمپازى اتاندى.
اۆتور: گۇلميرا ءعوسمانالي
