09:01, 22 - مامىر 2014 | GMT +5
گەرمانيادا زەينەتكەر كوشەدەن 18 مىڭ ەۋرو تاۋىپ الدى
استانا. قازاقپارات - شتۋتگارتتىق زەينەتكەر كوشەدەن تاۋىپ العان 18 مىڭ ەۋرونى پوليسياعا اكەلىپ بەردى.
ەسىمى اتالماعان 66 جاستاعى ەر ادام كوشەدە سەرۋەندەپ كەلە جاتىپ، جەردە جاتقان ورالعان اقشانى بايقاعان.
ول بىردەن پوليسيا بولىمىنە بارىپ، اقشانى تاپسىرعان، دەپ حابارلايدى Lenta.ru.
كوپ ۇزاماي قۇقىق قورعاۋ ورگانىنا كوشەدە تابىلعان اقشانىڭ زاڭدى يەسى حابارلاسقان. ول پاكەتتى ءوزىنىڭ اۆتوكولىگىنىڭ توبەسىنە قويعانىن ۇمىتىپ، ءجۇرىپ كەتكەن كورىنەدى.
