09:06, 18 - ءساۋىر 2023 | GMT +5
اتىراۋلىق تۇرعىن 1896 -جىلى شىعارىلعان نەمىس قارۋىن تاپسىردى
اتىراۋ. قازاقپارات - اتىراۋلىق تۇرعىن اكسيا بارىسىندا 1896 -جىلى شىعارىلعان نەمىستىڭ اتىس قارۋىن تاپسىردى، دەپ حابارلايدى قازاقپارات.
اتىراۋ قالاسىنىڭ پوليتسيا باسقارماسى اكىمشىلىك پوليتسيا بولىمىنە 1988 -جىلى تۋعان ازامات 1896 -جىلعى Mauser C96 نەمىس تاپانشاسىن تاپسىرعان.
Mauser C96 دەپ اتالاتىن 1896 -جىلى گەرمانيادا جاسالىنعان وزدىگىنەن وقتالاتىن تاپانشا. ءبىرىنشى جانە ەكىنشى دۇنيەجۇزىلىك سوعىس كەزىندە پايدالانىلعان اتىس قارۋ رەتىندە تاريحتا قالعان.
«Mauser C96 تاپانشاسىن تاپسىرعان ازامات بۇل قارۋدى ءبىر جىل بۇرىن يساتاي اۋدانىندا مال باعىپ جۇرگەندە قۇم اراسىنان تاۋىپ العان. قازىرگى تاڭدا قارۋدى تاپسىرعان ازاماتقا مەملەكەت تاراپىنان 100 ا ە ك كولەمىندە سىياقى بەرىلدى»، - دەيدى اتىراۋ قالاسىنىڭ پ ب اكىمشىلىك پوليتسيا ءبولىمىنىڭ ازاماتتىق قىزمەت قارۋ اينالىمى باقىلاۋ توبىنىڭ اعا ينسپەكتورى رەنات سيسەنوۆ.
