شىمكەنتتە 188 ادامدى كىمنىڭ ۋلاعانى بەلگىلى بولدى

استانا. قازاقپارات - شىمكەنتتە ەكى جۇزگە تارتا تۇرعىنعا بالمۇزداق ساتىپ، ىندەت تاراتقان وسى تاعامدى دايىنداۋشىلاردىڭ وزدەرى بولىپ شىقتى.

سونىمەن قاتار، ونى تاسىمالداپ ساتۋشىلاردان دا ستافيلوكوكك پەن سالمونەللا تابىلعان. بۇل تۋرالى ك ت ك حابارلادى.

شىمكەنتتە 188 ادامدى كىمنىڭ ۋلاندىرعانى بەلگىلى بولدى

«2 وتباسى مۇشەلەرى جاڭاعى بالمۇزداق قوسپاسىن دايىنداۋ بارىسىندا جاردەم بەرگەن. سول ەكەۋىنەن ستافيلوكوكك اۋرۋى انىقتالدى. 2 كيوسك قىزمەتكەرىنەن سالمونەللا انىقتالدى. جانە ءبىر قىزمەتكەردەن كيوسكتاعى ستافيلاككوك اۋرۋى انىقتالدى»، - دەيدى و ق و قوعامدىق دەنساۋلىق ساقتاۋ دەپارتامەنتى باسشىسىنىڭ ورىنباسارى الدارقۇل احمەتوۆ.

ءبىر اپتا ىشىندە بالمۇزداق جەپ، ىشتەرى وتكەن 188 ناۋقاستىڭ بارلىعى قازىر اۋرۋحانادان شىعارىلعان. ولاردىڭ 31 نەن سالمونەللا تابىلسا، تاعى 13 ى ستافيلوكوكك ىندەتىن جۇقتىرعان ەكەن.

ەسكە سالساق، شىمكەنتتىكتەر ناۋرىزدىڭ سوڭىندا قالانىڭ ورتالىعىنداعى بۇرىننان جۇرتقا ءدامدى بالمۇزداعىمەن ءمالىم «يۋجنوە» ءدامحاناسىنان ءتاتتى جەپ، جاپپاي اۋرۋحاناعا تۇسە باستاعان بولاتىن. وسىدان كەيىن عانا ساۋدا نۇكتەسىن تەكسەرگەن سانەپيدەميولوگتار بۇكىل تاماق دايىنداۋ جانە ازىرلەۋ ەرەجەلەرىنىڭ ورەسكەل بۇزىلعانىن انىقتاعان ەدى. ەندى وزدەرى اۋرۋ بولا تۇرا، جۇرتقا جاپپاي قاۋىپتى استى ساتقانداردىڭ كاسىبى ءبىرجولا توقتاتىلدى. قازىر ولاردىڭ ءىسىن سوت قاراپ جاتىر.