الماتىدا بيىل 186 مىڭ جول ءجۇرۋ ەرەجەسى بۇزىلعان
پوليتسەيلەر ۇسىنىپ وتىرعان مالىمەتكە سۇيەنسەك، ونىڭ ىشىندە 903 ادام كولىگىن ماس كۇيىندە جۇرگىزگەنى ءۇشىن، 17,8 مىڭ ادام قاۋىپسىزدىك بەلدىگىن تاقپاعانى ءۇشىن اكىمشىلىك جاۋاپكەرشىلىككە تارتىلعان.
ال، 10457 حاتتاما كولىكتەگى مەملەكەتتىك ءنومىر دۇرىس كورىنبەگەنى ءۇشىن تولتىرىلسا، 2179 ادام ءتىپتى ءنومىرسىز جۇرگەنى ءۇشىن، 195 ادام جالعان كولىك ءنومىرىن تاققانى ءۇشىن ۇستالعان. 5189 حاتتاما الدىڭعى تەرەزەلەرىن قاراڭعىلاعانى ءۇشىن تولتىرىسا، 18 مىڭ 150 ادام ۇيالى تەلەفونمەن سويلەسكەنى ءۇشىن ايىپقا تارتىلعان.
2148 ادام جول قيىلىسىندا ەرەجە بۇزسا، 14467 ادام كولىگىن رۇقسات ەتىلمەگەن ورىنعا قالدىرعان. 154 جۇرگىزۋشىگە مۇگەدەكتەر تۇراعىنا ايالداعانى ءۇشىن ۇستالسا، 11997 ادام جاياۋ جۇرگىنشىنى وتىكىزبەگەنى ءۇشىن ايىپتى بولعان.
107818 جۇرگىزۋشى كولىكتەن وزۋ، قاتارداعى قوزعالىس ەرەجەسىن بۇزسا، 34596 ادام جول ەرەجەسى بەلگىلەرىن ەلەمەگەنى ءۇشىن پوليتسەيلەر نازارىنا ىلىككەن. قارسى جولاققا شىققانى ءۇشىن 394 ادام ايىپتى بولسا، 2273 ادامعا كولىگىن تەحنيكالىق باقىلاۋدان وتكىزبەگەنى ءۇشىن اكىمشىلىك حاتتاما تولتىرىلدى.
