ادامداردى 185 ميلليون تەڭگەگە الداپ سوققان الماتىلىق ايەل سوتتالدى
الماتى قالالىق پوليتسيا دەپارتامەنتىنىڭ مالىمەتىنە سايكەس، 2019-جىلدىڭ تامىز ايىندا ديلفۋزا الدابەرگەنوۆانىڭ ۇستىنەن 64 ادامنان ارىز ءتۇستى. ولار جالپى سوماسى 185 ميلليون 802 مىڭ 400 تەڭگەنى قۇرايتىن ماتەريالدىق زالال كەلتىرىلگەندىگى تۋرالى ۇجىمدىق مالىمدەمە جاساعان.
بۇل فاكت بوستاندىق اۋداندىق پوليتسيا باسقارماسىنىڭ سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە ق ر ق ك- ءنىڭ 190- بابى، 3- بولىگى، 1,4- تارماعى بويىنشا تىركەلگەن.
«سوتقا دەيىنگى تەرگەۋ بارىسىندا انىقتالعانى، 2018-جىلدىڭ ماۋسىم ايىنان باستاپ 2019-جىلدىڭ قىركۇيەك ايىنا دەيىن ازاماتشا الدابەرگەنوۆا الەۋمەتتىك جەلىلەر ارقىلى ينۆەستيتسيالىق جوبانىڭ اشىلاتىندىعىن جاريالادى. جوبانىڭ ءمانى بۋكمەكەرلىك كەڭسەلەرگە، سونداي-اق، ءار ءتۇرلى بيزنەس-جوبالارعا اقشا سالۋ ارقىلى قاراجاتتى كوبەيتۋ بولدى. وسىلايشا، سالىمشىلار %30 جانە %50 پايدا تابۋ ءۇشىن بانكتىك كارتالار ارقىلى ۇيىمداستىرۋشىعا جانە باسقا ادامدارعا قاراجات اۋداردى، ءبىراق كەيىننەن ەشقانداي پايدا تاپپادى. الدابەرگەنوۆا سالىنعان قاراجاتتى قايتارعان جوق. تەرگەۋ بارىسىندا كۇدىكتى ۇستالىپ، سوت شەشىمىمەن قاماۋعا الىندى»، - دەدى، الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدراحمانوۆ.
تەرگەۋ ديلفۋزا الدابەرگەنوۆانىڭ كىناسىن دالەلدەدى. قىلمىستىق ءىس بويىنشا ءىس جۇرگىزۋ كۋالاندىرىلىپ، ولاردىڭ ماتەريالدارى سوتقا جىبەرىلدى.
المالى اۋداندىق سوتىنىڭ سۋدياسى د. ا. الدابەرگەنوۆاعا قاتىستى ق ر ق ك- ءنىڭ 190- بابى، 4- بولىگى، 2- تارماعى جانە ق ر ق ك- ءنىڭ 217- بابى، 3- بولىگى، 2- تارماعى بويىنشا 6,8 جىلعا باس بوستاندىعىنان ايىرۋ تۋرالى ۇكىم شىعاردى.
