09:51, 02 - مامىر 2016 | GMT +5
نيۋ- يوركتە 1850- جىلى سالىنعان پراۆوسلاۆ شىركەۋى ورتەنىپ كەتتى
استانا. قازاقپارات - نيۋ- يورك قالاسىندا پراۆوسلاۆيالىق شىركەۋ ورتەنىپ كەتتى، دەپ حابارلايدى CNBC News.
مانحەتتەندەگى كيەلى ساۆۆا سەرب پراۆوسلاۆيالىق شىركەۋىندەگى ءورت جەكسەنبى، 1- مامىر كۇنى پاسحانى تويلاۋ كەزدە باستالدى. عيمارات شاتىرىنىڭ ءبىر بولىگى وپىرىلىپ قۇلادى. زارداپ شەككەندەر جوق.
شىركەۋ 1850- جىلداردىڭ باسىندا سالىنىپ، 1968 -جىلى نيۋ- يوركتىڭ كورىكتى جەرلەرىنىڭ تىزىمىنە ەنگىزىلدى.
سول كۇنى سونداي- اق، اۆسترالياداعى سيدنەي قالاسىندا ماكەدون پراۆوسلاۆيالىق شىركەۋى ورتەندى، دەپ جازادى ABC News.
ءورت جەكسەنبىنىڭ كەشىندە سيدنەي ماڭىنداعى روكدەيلدە باستالدى. 60-قا جۋىق ءورت ءسوندىرۋشى جالىنمەن بىرنەشە ساعات بويى كۇرەستى، ءۇش ادام عيماراتتىڭ ورتەنۋى كەزىندە ۇشقان كىرپىشتەردەن جارالاندى.
