قوستاناي وبلىسىندا رەسەيلىك ازامات 184 رەت جول ەرەجەسىن بۇزعان
ءتارتىپ بۇزۋشىنىڭ كولىگى ايىپ تۇراعىنا قويىلدى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
ءتارتىپ بۇزۋشى 2021 -جىلدىڭ 10-اقپانىندا ۇستالدى. پاترۋلدىك پوليتسيا قىزمەتكەرلەرى ارمان بەكتۇرسىنوۆ پەن ءادىل جاقىپوۆ رەسەي فەدەراتسياسىنىڭ 29 جاستاعى ازاماتى مىنگەن «FORD گەلاكسي» ماركالى اۆتوكولىگىن توقتاتادى.
اۆتوماتتى تىركەۋ قۇرالدارىنىڭ كومەگىمەن 2020 -جىلعى 20-ماۋسىم مەن 2021 -جىلعى 10-اقپان ارالىعىندا اتالمىش كولىك يەسىنىڭ 184 رەت جول ەرەجەسىن بۇزعانى انىقتالدى. ايىپپۇل كولەمى 3,5 ميلليون تەڭگەدەن اسىپ كەتكەن.
«جۇرگىزۋشى جالعان ساقتاندىرۋ پوليسىمەن كولىك قۇرالىن باسقارعان. اۆتوكولىك قوستاناي قالاسى اكىمدىگىنىڭ مامانداندىرىلعان تۇراعىنا ورنالاستىرىلدى، قۇقىق بۇزۋشىعا سالىنعان ايىپپۇلداردى تولەۋ قاجەتتىلىگى تۋرالى حابارلاما بەرىلدى. جۇرگىزۋشى ق ر ا ق ب ت ك-نىڭ 230-بابى بويىنشا اكىمشىلىك جاۋاپكەرشىلىككە تارتىلدى، جالعان ساقتاندىرۋ پوليسىن پايدالانعانى ءۇشىن ماتەريال جينالدى»، دەلىنگەن پوليتسيا اقپاراتىندا.
2021 -جىلدىڭ قاڭتارىندا «اۆتوۋراگان» قۇرىلعىسى ارقىلى شەتەل كولىكتەرىنە قاتىستى 1676 ەرەجە بۇزۋ دەرەگى تىركەلگەن.
ايىپپۇل سوماسى - 10 ميلليون 209 مىڭ تەڭگە. قازىر كولىك يەلەرىنە 700 نۇسقاما جىبەرىلدى.
اۆتور: قاسقىرباي قويشىمانوۆ
