الماتى اكىمدىگى بالالاردىڭ جازعى دەمالىسىنا 184 ميلليون تەڭگە ءبولدى

الماتى. قازاقپارات - الماتى اكىمدىگى بالالاردىڭ بيىلعى جازعى دەمالىسىنا 184 ميلليون تەڭگە ءبولدى. بۇل وتكەن جىلعى كورسەتكىشپەن سالىستىرعاندا 4 ميلليون تەڭگەگە ارتىق. بۇل جونىندە الماتى قالالىق كاسىپوداقتار وداعى ءتوراعاسىنىڭ ورىنباسارى قۇرالاي بەركىمبايەۆا حابارلادى.

ونىڭ ايتۋىنشا، بيىل الماتىدا 3860 بالا جازعى دەمالىسىن لاگەرلەردە وتكىزبەك. تىزىمگە ءبىرىنشى كەزەكتە جەتىم بالالار مەن الەۋمەتتىك جاعدايى تومەن، كوپ بالالى وتباسىلاردىڭ بالالارى الىندى.

جولدامالاردىڭ جارتىسى تەگىن بەرىلسە، جارتىسى كاسىپوداق مۇشەسى بولاتىن وتباسىلاردىڭ بالالارىنا جەڭىلدىكپەن بەرىلدى. 20 كۇندىك دەمالىس قۇنى دا ءار ءتۇرلى: 3 مىڭ تەڭگەدەن 10 مىڭ تەڭگەگە دەيىن.

«ءبىزدىڭ جۇمىسىمىز رەتتەۋ بولىپ تابىلادى. ءبىز جولدامالاردى ساتپايمىز ءارى دەلدال ەمەسپىز. ەسەسىنە دەمالىس ورىندارى تۋرالى اقپارات بەرەمىز، سانيتارلىق احۋالدى، قاۋىپسىزدىك شارالارىن قاداعالاۋعا قاتىسامىز. بوس ورىندارعا ادام جيناۋعا كومەكتەسەمىز. جازعى لاگەرلەردىڭ باسشىلارى ءبىزدىڭ وداقپەن بايلانىس جاساۋعا مۇددەلى» ، - ق. بەركىمبايەۆا.

اۆتور: گۇلميرا عوسمانالي