سۇيىتىلعان گاز باعاسى 180 كۇن وتكەن سوڭ قالاي رەتتەلەدى - مينيستر جاۋاپ بەردى

ورتالىق كوممۋنيكاتسيالار قىزمەتىندە وتكەن بريفينگتە ەنەرگەتيكا مينيسترىنە سۇيىتىلعان گاز باعاسىنىڭ كەلەشەكتەگى باعاسى تۋرالى سۇراق قويىلدى.

«قاڭتاردىڭ باسىندا شىنىمەن دە سۇيىتىلعان گازدىڭ باعاسىن 180 كۇنگە مەملەكەت باقىلاۋىنا الۋ تۋرالى شەشىم قابىلدانعان بولاتىن. قازىر ونىڭ باعاسى 50 تەڭگەدەن 75 تەڭگە ارالىعىندا تۇر. ياعني، ەڭ شالعاي ەلدى مەكەندەردە باعانىڭ شەگى 75 تەڭگە بولسا، مۇناي وڭدەۋ زاۋىتى بار ماڭعىستاۋ وبلىسىندا 50 تەڭگە»، - دەدى ۆەدومستۆو باسشىسى.

سونداي-اق ول سۇيىتىلعان گازدى ءوندىرۋدىڭ وزىندىك قۇنى قازىرگى باعاسىنان قىمبات دەگەن مالىمەتتى راستادى.

«ءبىراق، بەلگىلەنگەن 180 كۇننىڭ ىشىندە جانار- جاعارماي سياقتى سۇيىتىلعان گازدىڭ دا باعاسىن قالىپتاستىرۋ جۇيەسى مەن ساتۋ ەرەجەلەرىن رەفورمالاپ شىعۋىمىز كەرەك. ءبىزدىڭ ويىمىزشا، زەرتتەۋلەر كورسەتكەندەي، جانار- جاعارماي سياقتى سۇيىتىلعان گازدىڭ دا نارىق تىزبەگىندە «ءونىمسىز دەلدالدار» بار»، - دەدى مينيستر.

ونىڭ ايتۋىنشا، سۇيىتىلعان گازدىڭ نارىق تىزبەگىندە مەنشىگىندە نە گاز قۇيۋ ستانساسى، نە گاز جيناقتاۋ ستانساسى جوق ويىنشىلار بار. سوعان قاراماستان گاز تاراتۋ جۇيەسىندە وتىر.

«ءبىز وسىنداي ويىنشىلاردى تىزبەكتەن الىپ تاستايتىن شىعارمىز. ياعني، تەك ناقتى گاز وندىرۋشىلەر، گاز قۇيۋ ستانسالارى نەمەسە ۇيلەرگە قاجەت گازدى جيناقتايتىن ستانسالارى بار ويىنشىلار عانا قالادى. بۇل بىزگە ءتىپتى وسى 50 تەڭگەلىك باعانىڭ ىشىندە نارىق تىزبەگىندەگى قاتىسۋشىلاردىڭ كىرىستىلىگىن قايتا رەتتەۋگە مۇمكىندىك بەرەدى. ياعني، گازدى ساتۋشىلار مەن وندىرۋشىلەردىڭ اراسىنداعى تابىس تەڭگەرىمى قايتا قارالادى. نەگىزى گاز وندىرۋشىلەردىڭ تابىسى كوبىرەك بولۋى كەرەك. ويتكەنى ءبىزدىڭ زاۋىتتارداعى سۇيىتىلعان گازدىڭ وزىندىك قۇنى تونناسىنا 100 مىڭ تەڭگەگە دەيىن جەتۋى مۇمكىن. بۇل ءبىر ليتر گازدى وندىرۋگە عانا شامامەن 50 تەڭگە كەتەدى دەگەن ءسوز. ازىرگە بۇل زاۋىتتار بەلگىلەنگەن 180 كۇندە شىعىنمەن جۇمىس ىستەيدى»، - دەدى بولات اقشولاقوۆ.

ايتۋىنشا، وسى اتالعان ەرەجەلەر كۇشىنە ەنۋى ءۇشىن زاڭناماعا وزگەرىستەر ەنگىزىلۋى كەرەك.

«ارينە، زاڭسىز قوسىلاتىن ماينەرلەر بۇكىل ۇلتىق جۇيەگە اسەر ەتىپ وتىر. سيفرلىق ماينينگ سەگمەنتتەرىنە قاتىستى جۇمىسى مينيسترلىك ەنەرگيا جۇيەسىن تۇراقتى ساقتاۋعا باعىتتالعان. ياعني، بىرىنشە كەزەكتە ەلەكتر ەنەرگياسىن حالىققا جانە ونداعان مىڭ جۇمىس ورنىن ۇستاپ وتىرعان ەكونوميكانىڭ ناقتى سەكتورىنا بەرۋگە مىندەتتىمىز. ارينە، زاڭسىز قوسىلعان ماينەرلەردى تابۋ كەرەك. ءبىراق ول ءبىزدىڭ عانا جۇمىسىمىز ەمەس. سۇيىتىلعان گازدىڭ قازىرگى باعاسى وزىندىك قۇنىنان الدەقايدا تومەن.

اۆتور: ەسىمجان ناقتىباي