قازاقستاندىق 180 نەن استام كومپانيا تاۋارلارىن قىتاي نارىعىنا شىعارۋ قۇقىعىن الدى

استانا. قازاقپارات - 180 نەن استام قازاقستاندىق كومپانيا تاۋارلارىن قىتاي نارىعىنا شىعارۋ قۇقىعىن الدى. بۇل تۋرالى «ءبىر بەلدەۋ - ءبىر جول» باستاماسىنىڭ 5 جىلدىعىنا ارنالعان قازاق- قىتاي بيزنەس فورۋمىندا ق ر سىرتقى ساۋدا پالاتاسى ءتوراعاسىنىڭ ورىنباسارى نۇرالى بوكەنحانوۆ ايتتى، دەپ حابارلايدى قازاقپارات ءتىلشىسى.

«قازاقستاندا ءدال وسى استانادا ق ح ر ءتوراعاسى شي جينپيڭ ءوزىنىڭ «ءبىر بەلدەۋ - ءبىر جول» باعدارلاماسىن جاريالانعان بولاتىن. ەندى مىنە 5 جىل وتكەننەن كەيىن ونىڭ بەلگىلى ءبىر دەڭگەيدەگى قورىتىندىسىن شىعارۋىمىزدىڭ دا نىشاندىق ءمانى بار. بۇگىن ءبىز وتكىزىپ جاتقان بيزنەس فورۋمعا قىتاي تاراپىنان 150، ال قازاقستان تاراپىنان 300-دەن استام كومپانيا قاتىسۋدا. قىتاي مەن قازاقستان اراسىنداعى ساۋدا قارقىنى وڭ سيپاتقا يە. جىل سايىن قىتاي ساۋدا- ساتتىق ءۇشىن ءبىزدىڭ تاراپىمىزعا كوپتەگەن تاۋارلىق پوزيتسيالاردى اشىپ وتىر. قازىرگى ۋاقىتتىڭ وزىندە 180-نەن استام قازاقستاندىق كومپانيا قىتايلىق ينسپەكسيادان ءوتىپ، ءوز تاۋارلارىن قىتاي نارىعىنا جەتكىزۋ قۇقىعىنا يە بولدى»، - دەدى ول.

سونىمەن قاتار ول بۇگىندە قىتاي الەمدەگى ەڭ كەلەشەگى زور نارىقتاردىڭ بىرىنە اينالىپ وتىرعانىن باسا ايتتى.

«ول تاياۋ بەسجىلدىققا كولەمى بويىشا ءبىرىنشى ساتۋ نارىعى بولادى. اعىمداعى جىلى قازاقستان ءۇشىن اتاۋلى وقيعالار ءوتتى. قاراشا ايىندا شاڭحاي يمپورت كورمەسىندە قازاقستان ۇلتتىق ستەندىن ۇيىمداستىرۋدى جوسپارلاپ وتىر. بيىلدىڭ وزىندە ءبىزدىڭ قىتايعا ەكسپورتىمىز 5 ميلليارد 600 ميلليون دوللاردان اسىپ ءتۇستى»، - دەدى نۇرالى بوكەيحانوۆ.

اۆتور: مارلان جيەمباي