جەكەنىڭ قولىنا وتكەن جايىلىمداردى مەملەكەت 180 ميلليارد تەڭگەگە ساتىپ الادى
بۇل تۋرالى بۇگىن سەناتتىڭ جالپى وتىرىسىندا ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ ايتتى، دەپ حابارلايدى قازاقپارات.
دەپۋتاتتار نازارىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسىن ۇسىنعان ونىڭ ايتۋىنشا، ەلدى مەكەندەردىڭ ماڭىنداعى جەكە جانە زاڭدى تۇلعالارعا بەرىلىپ كەتكەن جايىلىمداردى قايتارۋ ءۇشىن مەملەكەتتىك مۇقتاجعا جاتقىزىلادى.
«ءبىزدىڭ ەسەپتەۋىمىز جانە اكىمدىكتەردىڭ ۇسىنىستارىنا سايكەس قوسىمشا 27 ميلليون گەكتار جايىلىم قاجەت. بۇگىندە ەلدى مەكەندەردىڭ ماڭىندا 20 ميلليون گەكتار جايىلىم بار. ال جەكە تۇرعىن ءۇي قۇرىلىسىنا ەلدى مەكەندەر توڭىرەگىنەن شامامەن 173 مىڭ گەكتار جەر قاجەت»، - دەدى ول.
ءمينيستردىڭ سوزىنە قاراعاندا، جايىلىمنىڭ مۇنداي كولەمى ۇساق مالعا 2، ءىرى قارا مالعا 10، جىلقىعا 15 جانە تۇيەگە 18 گەكتار جەر قاجەت دەپ ەسەپتەلىنگەن.
«ەگەر بارىنشا جوعارى قاجەتتىلىك جايىندا ايتار بولساق، وندا جايىلىمدىق جەردى مەملەكەتتىك مۇقتاجدىققا قايتارۋ ءۇشىن شامامەن 180 ميلليارد ، ال جەكە تۇرعىن ءۇي قۇرىلىسى قاجەتتىگىن قامتاماسىز ءۇشىن شامامەن 1 ميلليارد تەڭگە كەرەك بولادى. بۇل سومالار رەسپۋبليكالىق بيۋجەتتىك كوميسسيادا قاراستىرىلعان جانە ءبىز مۇنى بيۋجەتتە ەسكەرۋىمىز قاجەتتىگى تۋرالى شەشىم قابىلدانعان. ءبىراق، ول ماسليحاتتارمەن بىرگە اكىمدىكتەردىڭ سۇرانىس قاجەتتىلىگى بويىنشا بولىنەدى»، - دەدى ءومىرزاق شوكەيەۆ.
ايتا كەتەرلىگى، وتىرىستا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىن قابىلداعان بولاتىن.
