07:22, 04 - قىركۇيەك 2017 | GMT +6
تەحاس شتاتىنىڭ بيلىگى «حارۆي» داۋىلى كەلتىرگەن شىعىندى 180 ميلليارد دوللارعا باعالادى
استانا. قازاقپارات - تەحاس شتاتىنىڭ گۋبەرناتورى گرەگ ەببوت «حارۆي» داۋىلىنىڭ سالدارىمەن كۇرەسكە 150-180 ميلليارد دوللار قاجەت بولۋى مۇمكىندىگىن ايتتى. بۇل تۋرالى Reuters اگەنتتىگى حابارلادى.
ەببوتتىڭ سوزىنشە، وسى جولعى داۋىل قيراتقان اۋماق «كاترينا» مەن «سەنديدەن» دە اۋقىمدى بولىپ وتىر. وسى كەزدە قالپىنا كەلتىرۋ جۇمىستارىنا قاجەتتى قارجى قالاي تولەنەتىنى تالقىلانۋدا.
ا ق ش پرەزيدەنتىنىڭ اكىمشىلىگى كونگرەستەن 7,8 ميلليارد دوللار كولەمىندەگى العاشقى سومانى ءبولۋدى سۇرادى. ەببوت بۇنى اۆانستىق تولەم دەپ وتىر. توتەنشە جاعدايلار جونىندەگى فەدەرالدىق اگەنتتىك وكىلدەرى وسى باعىتتاعى جۇمىستاردى قارجىلاندىرۋعا جەرگىلىكتى شەنەۋنىكتەر دە ۇلەس قوسۋلارى كەرەك دەگەن پىكىردە.