استانادان 180 شاقىرىم قاشىقتىقتا جاڭا «تۋريستىك قازىنا» تابىلدى

بۇل تۋرالى ەكسپرەسس ك باسىلىمى حابارلايدى.
ەلىمىزدىڭ تاعى ءبىر تۋريستىك قازىناسى بولۋعا تۇرارلىق بۇل ايماقتاعى وزەنگە ءتۇسىپ ەكسترەمالدى تۇردە جۇزۋگە ابدەن بولادى.
بۇل جان- جاعى مىڭداعان شاقىرىمعا جەتەتىن تاۋلى وزەندە ەركىن جۇزۋگە بولاتىن بىردەن- ءبىر ايتۋلى ورىن. ايتپاقشى، وزەننىڭ وزىندىك ۇلكەن شاتقالى بار. بۇل ورىندى سىبىرلىكتەر باياعىدا- اق ۇناتىپ، كوزدەرى تۇسكەن ەكەن.
«كەڭ دالامەن كەتىپ بارا جاتىپ، ال قانە قۇز- شاتقالدار دەيسىڭ. كەنەتتەن كارتينا وزگەرىپ سالا بەرەدى. مەن تاڭقالعاننان تۇرىپ قالدىم. تاپ- تازا سۋ، قۇز- جارتاستار جانە جاعالاۋ راسىندا كوز تويماس سۇلۋلىق»، - دەيدى رەسەيلىك بلوگەر ستراننيك.
ال بالىقشىلار سۋ استىنداعى ءجۇزىپ بارا جاتقان بالىقتاردى سۇڭگىمەن اۋلاي سالادى. سىلەتىنىڭ تاعى ءبىر ەرەكشەلىگى - سۋداعى قارا شۇڭقىرلار. دايۆەرلەر بۇل سۋ استىنداعى تەرەڭ ۇڭگىرلەرگە ۇمتىلماعان دۇرىس دەپ ەسەپتەيدى. ال وزەننىڭ جاعالاۋىنان دا سونداي ۇڭگىرلەردى كەزىكتىرۋگە بولادى.
بىرنەشە جىلدان بەرى سىلەتىدەگى ءجۇزۋ جانە قىدىرتۋ ەكسكۋرسياسىن ەلوردالىق تۋريستىك كومپانيا ۇيىمداستىرىپ كەلە جاتىر. ءۇش كۇندىك ءجۇزۋ قۇنى 10 مىڭ تەڭگەدەن اسپايدى.
Stan.kz