كەلەر جىلى استانانىڭ جەكە تابىسى 180 ميلليارد تەڭگەگە جۋىق بولادى
مەملەكەتتىك قارجى قۇرىلىسقا، جول مەن الەۋمەتتىك ماڭىزى بار نىسانداردى ۇستاۋعا، الەۋمەتتىك كومەكتى قامتاماسىز ەتۋگە، سونداي- اق سمارت- جوبالاردى ەنگىزۋگە بولىنەدى.
ەكونوميكا جانە بيۋدجەتتى جوسپارلاۋ باسقارماسى باسشىسىنىڭ ورىنباسارى گۇلنار ءجۇسىپوۆا قالالىق ءماسليحات دەپۋتاتتارىنا 2016 - جىلعا ارنالعان مەملەكەتتىك بيۋدجەتتى ۇلەستىرۋ تۋرالى ايتىپ بەردى.
وسىلايشا، ەلوردالىق ساۋلەت جانە قالا قۇرىلىسى باسقارماسىنا بەس بيۋدجەتتىك باعدارلامانى جۇزەگە اسىرۋ ءۇشىن قارجى بولىنبەك. جەرگىلىكتى بيۋدجەت جوباسىنا «بيزنەستىڭ جول كارتاسى - 2020» باعدارلاماسىن ىسكە اسىرۋعا، ەلوردادا يننوۆاتسيالىق قىزمەتتى قامتاماسىز ەتۋگە جانە دامىتۋعا، سونداي- اق حالىقارالىق ەكسپو-2017 كورمەسىنە دايىندىق جانە ونى وتكىزۋگە جۇمسالاتىن شىعىندار ەنگىزىلدى. بۇدان بولەك، ەلوردادا استانا قالاسىنىڭ سەرىكتەستىك باعدارلاماسى قولعا الىناتىن بولادى.
سونىمەن قاتار، 2016 - جىلدىڭ بيۋدجەتىندە اۋداندىق اكىمدىكتەر جۇزەگە اسىراتىن ون بيۋدجەتتىك باعدارلامانى قارجىلاندىرۋعا ارنالعان قارجى ەسكەرىلگەن. ول مۇقتاج ازاماتتارعا الەۋمەتتىك كومەك كورسەتۋگە جۇمسالادى. سونداي- اق، ەلدى مەكەندەردى اباتتاندىرۋ مەن كوگالداندىرۋعا ارنالعان شىعىندار دا قاراستىرىلعان.
بيۋدجەتتىك قارجىنىڭ ءبىر بولىگى مەملەكەتتىك ورگانداردى ۇستاۋعا جانە كۇردەلى جوندەۋگە، قالالىق قازاقستان حالقى اسسامبلەياسىنىڭ جۇمىسىن قامتاماسىز ەتۋگە جۇمسالادى. الداعى جىلى №82 «جۇلدىز»، №12 «قارلىعاش»، №5 «اقبوتا»، №11 «گاۋھار» جانە №14 «اقبوپە» بالاباقشالارىن جوندەۋ كوزدەلگەن.
