ەكى عالىم اركتيكاداعى 1800 شاقىرىم جولدى جاياۋ ءجۇرىپ ءوتتى
قىركۇيەك ايىندا باستالعان ەكسپيديتسيا جاھاندىق جىلىنۋ ماسەلەلەرىنە بايلانىستى جۇزەگە اسىرىلدى. عالىمدار 1800 شاقىرىمدى مۇز ۇستىندە ءجۇرىپ وتكەن، باستى ماقسات اركتيكاداعى مۇزداردىڭ ەرۋى تۋرالى اقپارات جيناۋ. ەكسپەديتسيانى كۇزدە، ياعني، قاراشانىڭ ورتاسىندا اياقتاۋ جوسپارلانعان، الايدا جولداعى قيىندىقتار مەن اۋا رايى جانە مۇزداردىڭ جىلجىمالى بولۋىنا بايلانىستى ەكى عالىم ساياحاتتى كەش اياقتادى. جۇما كۇنى ولاردىڭ جەيتىن تاماعى ءبىتۋى كەرەك ەدى، ولارعا نورۆەگيالىق زەرتتەۋشىلەر بەنگت روتمو مەن الەكساندر گاممە كومەككە كەلدى. بارلىعى بىرگە «لانس» زەرتتەۋ كەمەسىنە دەيىن جەتتى. ساپار ۇيىمداستىرۋشىسى لارس ەببەسەن سپۋتنيكتىك بايلانىس ارقىلى ەكى توپپەن دە حابارلاسىپ وتىردى. ول جۇما كۇنى بي- بي- سيگە حورن مەن ۋسلاندتىڭ تىكۇشاقپەن ەۆاكۋاتسيادان باس تارتقانىن، ءبىراق نورۆەگيالىقتارمەن كەزدەسۋگە كەلىسكەنىن مالىمدەدى.
ولاردىڭ ازىق- تۇلىگى ءبىتىپ جاتقان، ال جەل كۇننەن كۇنگە كۇشەيە تۇسكەن. داۋىل سالدارىنان بايلانىس ۇزىلسە، ولار اش قالىپ قويۋشى ەدى. ۋسلاند پەن حورن 23 - قىركۇيەكتە مۇز ۇستىندەگى ساپارىن باستادى. ولارعا -40°C- تان +2°C- قا دەيىنگى ارالىقتاعى اۋا تەمپەراتۋراسىنىڭ بىردەن وزگەرۋى كەدەرگى كەلتىرگەن. زەرتتەۋشىلەر بۇعان جاھاندىق جىلىنۋ سەبەپ دەپ تۇجىرىمدايدى جىلجىمالى مۇزدار ساياحاتشىلاردى ارتقا قاراي الىپ كەتىپ، ساپاردى ۇزارتىپ جىبەرگەن.
كەي جەرلەردە مۇز قاباتى ادەتتەگىدەن جۇقا بولعان. حورن ءبىر رەت سۋعا قۇلاپ كەتىپ، قولى مەن مۇرنىن ءۇسىرىپ العان. حورننىڭ ايتۋىنشا، ەكى زەرتتەۋشى دە قاتتى جۇدەپ، ساياحات كەزىندە شارشاعان. ۋسلاند - 57, حورن - 53 جاستا. زەرتتەۋشىلەر سولتۇستىك پوليۋسكە قىستا مەحانيكالىق كولىكسىز بارعان العاشقى ادامدار رەتىندە تاريحقا ەنەرى ءسوزسىز.
Massaget.kz
