جىل باسىنان بەرى ۇلتتىق مۋزەيگە 180 مىڭ ادام، سونىڭ ىشىندە 18 مىڭ شەتەلدىك ازامات كەلگەن
بۇل تۋرالى بۇگىن «عاسىرلار قويناۋىنان سىر شەرتكەن قازاقستان» جوباسىنىڭ اياسىندا باتىس قازاقستان وبلىستىق تاريحي- ولكەتانۋ مۋزەيىنىڭ «تاريحى تەرەڭ اق جايىق» اتتى كورمەسىن اشا وتىرىپ، مۋزەي ديرەكتورى دارحان مىڭباي ءمالىم ەتتى.
ايتا كەتەيىك، بۇعان دەيىن ۇلتتىق مۋزەيدە قاراعاندى، پاۆلودار، اتىراۋ وبلىستارىنىڭ مۋزەيلەرى ءوز كورمەلەرىن وتكىزگەن.
«مۋزەيىمىزدىڭ ۋاقىتشا كورمە زالى كەز كەلگەن ءوڭىردىڭ مۋزەيى ءۇشىن قۋانا ەسىك اشادى. زال ءبىر ءوڭىر ءۇشىن ەكى اي ۋاقىتقا بەرىلەدى. استانا تۇرعىندارىنىڭ، ەلوردا قوناقتارىنىڭ بارلىعى بىردەي وزگە وڭىرگە بارا بەرمەيدى. مىنانداي كورمەلەردەن كەيىن سول ولكەنى تانۋعا، كورمەدەگى ەكسپوناتتاردى ودان ءارى زەرتتەۋگە ىنتا تانىتاتىن ەدى. مىسالى، قازىر جاستار شەت ەلگە كوپ شىعادى. ءبىراق، مەنىڭ ويىمشا شەت ەلگە شىقپاستان بۇرىن، قازاقستاننىڭ تۇپكىر- تۇپكىرىن تانىپ، قادىرىن بىلسە، قازاق ەكەنى ءۇشىن ماقتانار ەدى. توعىز ايدىڭ ىشىندە ۇلتتىق مۋزەيگە 180 مىڭنان اسا ادام كەلسە، ونىڭ 18 مىڭى شەتەلدىك ازامات بولدى»، - دەيدى د. مىڭباي.
اۆتور: كەنجەكەي توقتامۇرات قىزى
