18- گرادۋس اياز، جەل: قازاقستاندا الداعى ءۇش كۇندە اۋا رايى كۇرت قۇبىلادى

استانا. قازاقپارات - 17- 19-قاراشادا قازاقستاننىڭ ءبىرقاتار وڭىرىندە جاڭبىر مەن قار جاۋىپ، كوكتايعاق بولادى. قازگيدرومەت سينوپتيكتەر جەلدىڭ كۇشەيۋى، تۇمان جانە تۇنگى ۋاقىتتا 18- گرادۋسقا دەيىن اياز بولاتىنىن ەسكەرتتى.

−18 градус аяз, жел: Қазақстанда алдағы үш күнде ауа райы күрт құбылады
Фото: Kazinform\ЖИ

بولجامعا سەنسەك، كەڭ اۋقىمدى جوعارى قىسىم ايماعى ەلىمىزدىڭ شىعىسىنا قاراي جىلجيدى. ونىڭ اسەرىنەن قازاقستاننىڭ شىعىسىندا، وڭتۇستىگىندە جانە ورتالىعىندا جاۋىن-شاشىنسىز اۋا رايى باسىم بولادى.

الايدا انتيسيكلوننىڭ ورنىن سولتۇستىك سيكلوننىڭ تەرەڭ جىراسى باسىپ، الداعى كۇندەرى اۋا رايى جاعدايىن ناشارلاتادى. الدىمەن ەلىمىزدىڭ باتىسىندا، كەيىن سولتۇستىك- باتىسى مەن سولتۇستىگىندە جاڭبىر جانە قار تۇرىندە جاۋىن- شاشىن جاۋادى. كوكتايعاق قۇبىلىستارى كۇتىلەدى. رەسپۋبليكا بويىنشا جەل كۇشەيەدى. سولتۇستىك وڭىرلەردە جانە وڭتۇستىك وبلىستاردىڭ تاۋلى اۋداندارىندا تۇنگى جانە تاڭەرتەڭگى ساعاتتاردا تۇمان كۇتىلەدى.

تۇنگى ۋاقىتتا ەلىمىزدىڭ بارلىق دەرلىك وڭىرىندە اۋا تەمپەراتۋراسى نولدەن تومەن بولادى. قازاقستاننىڭ ورتالىعىندا، شىعىس جانە وڭتۇستىك- شىعىس وڭىرلەرىنىڭ تاۋلى اۋداندارىندا اۋا تەمپەراتۋراسى 13-…18- گرادۋسقا دەيىن تومەندەيدى.

كۇندىز اۋا تەمپەراتۋراسى ەلىمىزدىڭ باتىسى مەن شىعىسىندا 5+…10+ گرادۋسقا دەيىن، وڭتۇستىك- باتىسىندا 10+…15+ گرادۋسقا دەيىن، وڭتۇستىگىندە 10+…20+ گرادۋسقا دەيىن، وڭتۇستىك- شىعىسىندا 10+…18+ گرادۋسقا دەيىن كوتەرىلەدى. ال سولتۇستىك جانە ورتالىق وڭىرلەردە اۋا تەمپەراتۋراسى 1-…4+ گرادۋس شاماسىندا بولادى.