18 شەتەل ازاماتى شەكارانى بۇزعانى ءۇشىن ۇستالدى - ۇ ق ق
استانا. KAZINFORM - اتالعان فاكت بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى. بۇل تۋرالى ۇ ق ق باسپا ءسوز قىزمەتى ءمالىم ەتتى.
ۇ ق ك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا 2025 -جىلعى اقپاندا قۇزىرلى ورگاندارمەن ءوزارا ارەكەتتەسە وتىرىپ، شەكارا كەڭىستىگىندە 3216 قازاقستان رەسپۋبليكاسىنىڭ زاڭنامالارىن بۇزۋشىلارى ۇستالدى.
سونىڭ ىشىندە:
18 شەتەل ازاماتى شەكارانى بۇزعانى ءۇشىن ۇستالدى؛
8 شەتەل ازاماتىمەن شەكارانى بۇزۋ ارەكەتتەرىنىڭ جولى كەسىلدى.
مەملەكەتتىك شەكارا ارقىلى 1552 زاڭسىز الىپ ءوتۋ فاكتىلەرىنىڭ الدى الىندى، سونىڭ ىشىندە: 33 ەسىرتكى زاتتارى، سونداي- اق 800 ليتر پرەكۋرسور؛ 71 قارۋلار مەن وق-دارىلەر (4 دانا اتۋ، 1 دانا سيگنالدىق، 135 دانا سۋىق قارۋلارى، 1 دانا گراناتا، 50 دانا وق- دارىلەر، 13 دانا ەلەكتروشوكەرلەر)؛ 29 - ءدىني ادەبيەت (555 دانا)؛ 638 جالپى سوماسى 20 ميلليون تەڭگەدەن اساتىن جانار- جاعارماي ماتەريالدارى (54000 ليتردەن استام)؛ 627 جالپى سوماسى 3,7 ميلليارد تەڭگەدەن استام حالىق تۇتىنۋ تاۋارلارى؛ 154 جالپى سوماسى 1,6 ميلليارد تەڭگەدەن استام شەتەل ۆاليۋتاسى.
سونداي-اق كاسپي اكۆاتورياسىندا 7 براكونەرلىك فاكتىلەرىنىڭ الدى الىندى، سونداي-اق: 4 دانا ءجۇزۋ قۇرالدارى؛ جالپى ۇزىندىعى 13,6 ك م توردى قۇرايتىن براكونەرلىك اۋلاۋ قۇرالدارى؛ 87 دانا (522,3 ك گ) بەكىرە تۇقىمداس بالىقتار؛ الدى الىنعان زالال سوماسى 205 ميلليون تەڭگەنى قۇرايدى.
بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.
مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق، بارلىق وتكىزۋ پۋنكتتەرى شتاتتىق رەجيمدە جۇمىس ىستەپ تۇر.
ەسكە سالا كەتەيىك، بۇعان دەيىن ۇ ق ك جامبىل وبلىسى جانە الماتى قالاسى بويىنشا دەپارتامەنتتەرى پروكۋراتۋرا ورگاندارىنىڭ ۇيلەستىرۋىمەن ەسىرتكى جەتكىزۋ ارناسىنىڭ جولىن كەسكەنىن جازعان بولاتىنبىز.
