بيىل ءال-فارابي اتىنداعى مەملەكەتتىك سىيلىقتى يەلەنگەن ءار جوباعا 18,6 ميلليون تەڭگە بەرىلەدى - فوتو
«ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىق بيىل تۇڭعىش رەت بەرىلمەك. ساراپتاۋ بارىسىندا ىرگەلى عىلىمي زەرتتەۋلەرمەن قاتار، ۋاقىت تالابىنا سايكەس يننوۆاتسيانىڭ ەڭ ۇزدىك ۇلگىلەرىن باستى نازارعا الاتىن بولامىز»، - دەدى مەملەكەتتىك حاتشى.
اتاپ ايتقاندا، ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى ەلباسى نۇرسۇلتان نازاربايەۆتىڭ جارلىعىمەن بيىلعى قاڭتاردا تاعايىندالدى. ول ۇزدىك عىلىمي زەرتتەۋلەر مەن ەنگىزىلەتىن يننوۆاتسيالار ءۇشىن تاپسىرىلاتىن بولادى.
«ەرەجەگە سايكەس، ەكى جىلدا ءبىر رەت 7 مەملەكەتتىك سىيلىق تاعايىندالادى. بيىل ءبىر سىيلىقتىڭ سوماسى 18,6 ميلليون تەڭگەنى قۇرايدى. اتالعان شارالار عالىمدار ەڭبەگىن جانە ولاردىڭ عىلىمعا قوسقان شىنايى ۇلەسىن ىنتالاندىرۋعا، عىلىمدى قاجەتسىنەتىن ەكونوميكانى دامىتۋعا باعىتتالعان»، - دەدى ول.
گ. ءابدىقالىقوۆا ءوز سوزىندە ەلباسى ۇسىنعان بەس ينستيتۋتسيونالدىق رەفورما جانە «100 ناقتى قادام» ۇلت جوسپارىنىڭ ءار قادامى زاماناۋي قازاقستاندىق قوعامنىڭ ىرگەسى مەن زياتكەرلىك الەۋەتى بولاتىن ءبىلىم جانە ۇزدىك تەحنولوگيالار تىرەگىن بولجايتىنىن اتاپ ءوتتى. وسى ورايدا مەملەكەتتىك حاتشى ۇلت جوسپارىن ىسكە اسىرۋدا وتاندىق عىلىمي تەحنيكا زيالىلارىنىڭ جوعارى تەحنولوگيالىق ەكونوميكالىق ءوسۋ مەن قازاقستاندىقتاردىڭ ءومىر ءسۇرۋ ساپاسىن جاقسارتۋ ماقساتىندا ادامي كاپيتالدى دامىتۋ ءۇشىن باستى ءرول اتقاراتىنىن اتاپ ءوتتى.
بەلگىلى بولعانداي، بيىل قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن تاعايىنداۋ بويىنشا كوميسسيانىڭ قاراۋىنا 26 جۇمىس ۇسىنىلدى.
وتىرىس بارىسىندا ونى تاعايىنداۋعا ۇسىنىلعان جۇمىستار بويىنشا مەملەكەتتىك ساراپتاما قورىتىندىلارى مەن تالداۋ ناتيجەلەرى قاراستىرىلدى. كوميسسيا وتىرىسىنىڭ قورىتىندىسى بويىنشا سىيلىقتى تاعايىنداۋعا الدىن الا ىرىكتەۋدەن وتكەن جۇمىستار تىزبەسىن بەكىتۋ تۋرالى شەشىم قابىلداندى.
اۆتور: رۋسلان عابباسوۆ
