قازاقستان حالقىنىڭ سانى 18 ميلليون 653 مىڭنان استى
نۇر- سۇلتان. قازاقپارات - 2020 -جىلعى 1 - اقپانداعى جاعداي بويىنشا، قازاقستان حالقىنىڭ سانى 18 ميلليون 653 مىڭ 500 ادامدى قۇرادى، دەپ حابارلايدى قازاقپارات ق ر ۇلتتىق ەكونوميكا مينيسترلىگى ستاتيستيكا كوميتەتىنە سىلتەمە جاساپ.
قازاقستاندىقتاردىڭ جالپى سانىنىڭ 10 ميلليون 914 مىڭ 800ءى نەمەسە %58,5 قالادا، 7 ميلليون 738 مىڭ 700 ءى نەمەسە %41,5 اۋىلدىق جەرلەردە تۇرادى. 18 ميلليون 653 مىڭ 500 ادامنىڭ 9 ميلليون 44 مىڭىن نەمەسە %48,5 ەرلەر، 9 ميلليون 608 مىڭىن نەمەسە %51,5 ايەلدەر قۇرايدى. 2019 -جىلعى 1 -اقپانمەن سالىستىرعاندا حالىق سانى 238 مىڭ ادامعا نەمەسە % 1,3 ارتتى. ەڭ كوپ ءوسىم ءۇش وڭىردە تىركەلدى: الماتى قالاسىندا (64 مىڭ ادام) ، نۇر- سۇلتان قالاسىندا (58,4 مىڭ ادام) جانە تۇركىستان وبلىسىندا (33,3 مىڭ ادام) .
