قازاقستاندا شەگىرتكەگە قارسى كۇرەسكە 18 ۇشاق پەن 43 دەلتاپلان تارتىلماق
بۇل تۋرالى ق ر ا ش م باسپا ءسوز قىزمەتى حابارلادى.
2014 - جىلى قازاقستاندا 4 ميلليون گەكتار اۋماقتا شەگىرتكەلەردىڭ ءۇيىرلى تۇرلەرىنىڭ تارالۋى بولجامدالۋدا. ق ر اۋىل شارۋاشىلىعى مينيسترلىگىنىڭ مالىمەتتەرى بويىنشا شەگىرتكە زيانكەستەرىنە قارسى وڭدەۋ ءىس- شارالارى 2 ميلليون گەكتار القاپتا وتپەك. وسى رەتتە اۋماقتاردىڭ كوبىندە وڭدەۋ جۇمىستارى وتكىزىلگەن. ماروككو شەگىرتكەسىنە قارسى حيميالىق وڭدەۋ شارالارى تولىعىمەن اياقتالدى.
شەگىرتكەلەردىڭ ءۇيىرلى تۇرلەرىنە قارسى حيميالىق وڭدەۋلەردى ۋاقتىلى جۇرگىزۋ ءۇشىن 2014 - جىلى رەسپۋبليكالىق بيۋدجەتتەن 2,9 ميلليارد تەڭگە ءبولىندى. ونىڭ ىشىندە پەستيتسيدتەردى ساتىپ الۋعا 520 ميلليون تەڭگەدەن استام جانە حيميالىق وڭدەۋلەر جونىندەگى قىزمەتتەردى ساتىپ الۋعا 2,4 ميلليارد تەڭگە باعىتتالدى. قازاقستاندا شەگىرتكەگە قارسى حيميالىق وڭدەۋ ءىس- شارالارىن جۇرگىزۋگە 18 ۇشاق، 43 اسا جەڭىل اۆياتسيانىڭ (ا ج ا) اۋە كەمەلەرى، سونداي- اق 43 ايروزولدىك گەنەراتورلار، 169 اتومايزەرلىك بۇرىككىشتەر (ۋ م و) جانە 25 جەر ءۇستى بۇرىككىشتەرى تارتىلدى.
شەگىرتكەلەردىڭ كورشىلەس اۋماقتارعا ءوتىپ كەتۋىنە جول بەرمەۋ جانە ءوزارا نارازىلىقتاردى بولدىرماۋ ماقساتىندا قازاقستان رەسپۋبليكاسى اۋىل شارۋاشىلىعى مينيسترلىگى رەسەي فەدەراتسياسىمەن شەكارالاس وبلىستارعا ەرەكشە كوڭىل بولۋدە. اقتوبە وبلىسىنىڭ ورىنبور وبلىسىمەن ورتاق شەكاراسىنىڭ ۇزىندىعى شامامەن 800 شاقىرىم. اۋىل شارۋاشىلىعى مينيسترلىگىمەن رەسەيمەن شەكارالاس مارتوك، قوبدا، ايتەكە بي، قارعالى جانە حرومتاۋ اۋداندارىندا شامامەن 600 مىڭ گەكتاردا تەكسەرۋلەر جۇرگىزىلدى. ونىڭ وڭدەۋگە جاتقىزىلعانى 263,3 مىڭ گەكتاردى قۇرادى. بۇل رەتتە اۋماقتاردىڭ جارتىسىنان كوبىندە وڭدەۋ جۇمىستارى اياقتالدى.
ورىنبور وبلىسىمەن شەكارالاس اۋدانداردا حيميالىق وڭدەۋدىڭ بولجامدالعان كولەمى 208,7 مىڭ گەكتار. حيميالىق وڭدەۋلەر سۆەتلينسكي، دومباروۆسكي جانە ياسنەنسكي اۋداندارىندا جۇرگىزىلۋدە. سول- يلەتسك اۋدانىنىڭ شەكارالاس اۋماعىندا 3 مىڭ گەكتار تەكسەرىلدى، قونىستانعانى 1,5 مىڭ گەكتار، وڭدەۋگە جاتاتىن اۋماق انىقتالعان جوق.
«رەسپۋبليكالىق فيتوسانيتارلىق دياگنوستيكا جانە بولجامدار ادىستەمەلىك ورتالىعى» م م مالىمەتى بويىنشا اقتوبە وبلىسىندا يتاليالىق پرۋستىڭ كوكتەمگى- جازعى كەزەڭدە 2,1 ميلليون گەكتار جەردە شىعۋى مۇمكىن. اعىمداعى جىلعى 10- ماۋسىمدا وبلىستا 1 ميلليون گەكتار القاپ تەكسەرىلدى. مۇنىڭ وڭدەۋگە جاتاتىنى 406,2 مىڭ گەكتاردى قۇرادى جانە ونىڭ 297,2 مىڭ گەكتارى وڭدەلدى.
اقتوبە وبلىسىندا رەسپۋبليكالىق بيۋدجەت قاراجاتى ەسەبىنەن شەگىرتكە زيانكەستەرىنىڭ ءۇيىرلى تۇرلەرىنە قارسى حيميالىق وڭدەۋلەردى 786,3 مىڭ گەكتار اۋماقتى جۇرگىزۋ جوسپارلانۋدا.
