قازاقستاندا سالىنىپ جاتقان جولدار 18-25 جىلعا شىداس بەرەدى
«بىزدە سالىنىپ جاتقان جولدار دۇنيە جۇزىندە ەڭ ساپالى ستاندارتتار بويىنشا سالىنۋدا. بۇنى ءبىزدىڭ ەسەپتەۋلەر عانا ەمەس، وزىق ەلدەردەن كەلگەن ماماندار دا دالەلدەپ بەرە الادى. قازاقستان ەشبىر تەحنولوگيانى ءبىر جەردەن الىپ كەلىپ، قولدانا بەرمەيمىز. مىسالى، ەۋروپانى الاتىن بولساق، ول جاقتا ەشقاشان قىس بولمايدى. كەيبىر تەحنولوگيالار مينۋستىق تەمپەراتۋرادا مۇلدەم جۇمىس جاسامايدى. جولدىڭ ساپاسى قاتتى تومەندەيدى. قانداي تەحنولوگيا بولسا، ءبىز ونى الىپ كەلىپ، الدىمەن زەرتحانادا تەكسەرىپ، ودان كەيىن ءبىزدىڭ تابيعي ەرەكشەلىكتەرىمىزدى ەسەپكە الا وتىرىپ، قاي ايماققا سالامىز، سوعان بەيىمدەپ، جول قۇرىلىسىنا پايدالانامىز»، - دەپ اتاپ ءوتتى ول.
«باتىس ەۋروپا - باتىس قىتاي» جولىن الاتىن بولساق، شامامەن ونىڭ جارتىسى - 1400 شاقىرىمى شاعىلتاس ماستيكالىق اسفالت بەتونىمەن سالىنۋدا. ول ءبىزدىڭ تابيعي ەرەكشەلىگىمىزگە ساي بەيىمدەلگەن. بيتۋمعا ارنايى قوسپالار قوسىلعان. مينەرالدىق ۇنتاق، شاعىلتاس، قۇم - بارلىعى جەرگىلىكتى ماتەريالدار. جولدار قازاقستاندىق ماتەريالدارمەن جانە وتاندىق تەحنولوگيالارمەن توسەلۋدە. اسفالت- بەتونمەن سالىنىپ جاتقان جولدار 18-20 جىلعا دەيىن شىدايدى، ال سەمەنت- بەتون بولىگى 20-25 جىلعا جەتەدى»، - دەپ ءتۇيدى ءسوزىن ب. تەلبايەۆ.
ايتا كەتەيىك، 2020 - جىلعا دەيىن قازاقستاندا 7,5 مىڭ شاقىرىم رەسپۋبليكالىق جولدار سالىنادى جانە رەكونسترۋكسيالانادى. وندا شامامەن 200 مىڭ جاڭا جۇمىس ورىندارى اشىلماق. قازىرگى ۋاقىتتا استانا- تەمىرتاۋ، اقتاۋ- بەينەۋ، استانا- پاۆلودار جانە الماتى- قاپشاعاي اۆتوجولدارى قايتا سالىنۋدا. بۇل جولداردىڭ رەكونسترۋكسياسى 2016 - جىلى اياقتالادى. پاۆلودار- سەمەي، قىزىلوردا- جەزقازعان جانە قالباتاۋ- وسكەمەن جولدارىن قايتا سالۋ كەلەسى جىلى باستالادى. «باتىس ەۋروپا- باتىس قىتاي» ءدالىزى كەلەسى جىلدىڭ وزىندە- اق اشىلاتىن بولادى.
اۆتور: جاسۇلان جولدىبايەۆ
