16:31, 09 - ناۋرىز 2017 | GMT +5
سينگاپۋر شىلىم شەگۋگە رۇقسات بەرىلەتىن جاستى 18-دەن 21-گە ارتتىرماق
استانا. قازاقپارات - سينگاپۋر بيلىگى تەمەكى شەگۋگە رۇقسات بەرىلەتىن ەڭ تومەنگى جاس شەگىن 18-دەن 21-گە ارتتىرۋدى كوزدەپ وتىر، دەپ حابارلادى ت ا س س اگەنتتىگى.
دەنساۋلىق ساقتاۋ ىستەرى جونىندەگى اعا مەملەكەتتىك مينيستر ەمي كحور بۇل ۇسىنىستى پارلامەنتتىڭ قاراۋىنا ەنگىزدى.
«بۇل جاسقا جەتپەگەن ادامدارعا تەمەكى ونىمدەرىن ساتۋعا تىيىم سالىنادى، ونىمەن قوسا، شىلىمدى ساقتاعانى ءۇشىن دە جاۋاپكەرشىلىك ەنگىزىلەدى»، - دەدى ۆەدومستۆو وكىلى. ونىڭ ايتۋىنشا، «ۇسىنىلعان شەكتەۋ تاياۋ بىرنەشە جىلدا كۇشىنە ەنۋى ءتيىس».
سينگاپۋر دەنساۋلىق مينيسترلىگىنىڭ 2010 -جىلعى دەرەكتەرىنە سايكەس، 18-69 جاس ارالىعىنداعى ەل ازاماتتارىنىڭ جالپى سانىنان شىلىمقورلار ۇلەسى 14,3 پايىزدى قۇرايدى.
