قازاقستانداعى 18 يپوتەكالىق باعدارلاماعا شولۋ. 2023 -جىلى قالاي باسپانا الۋعا بولادى؟
تۇرعىن ءۇي باعدارلامالارى نارىعىنداعى باستى جاڭالىقتار:
«7-20-25» باعدارلاماسى 2029 -جىلعا دەيىن ۇزاردى؛
جاستارعا ارنالعان وڭىرلىك باعدارلامالار كوبەيدى؛
وتباسى بانكىنىڭ ءبىرقاتار يپوتەكالىق باعدارلامالارىنىڭ شارتتارى جاڭاردى.
بۇل ماتەريالدا وسى جانە وزگە دە جاڭالىقتاردى قامتيتىن 18 تۇرعىن ءۇي باعدارلامانىڭ شارتتارىمەن تانىستىرامىز.
№1. 7-20-25
جىلدىق سىياقى مولشەرلەمەسى - %7؛
باستاپقى جارنا - 20 پايىزدان باستالادى؛
نەسيە مەرزىمى - 25 جىلعا دەيىن.
باعدارلاما اياسىندا استانا، الماتى، اقتاۋ، اتىراۋ، شىمكەنت قالالارىنان ەڭ جوعارعى قۇنى 25 ميلليون تەڭگە بولاتىن، قاراعاندى، تۇركىستان قالالارى ءۇشىن - 20 ميلليون تەڭگە جانە باسقا وڭىرلەر ءۇشىن - 15 ميلليون تەڭگە بولاتىن ءۇي الۋعا بولادى.
نەسيە الۋ ءۇشىن «قازاقستاننىڭ ورنىقتىلىق قورى» ا ق- مەن ىنتىماقتاستىق تۋرالى كەلىسىمى بار سەرىكتەس- بانكتەرگە جۇگىنۋ قاجەت. ولار:
«بانك سەنتركرەديت» ا ق؛
Bereke bank ا ق؛
«قازاقستاننىڭ حالىق بانكى» ا ق؛
«ەۋرازيالىق بانك» ا ق؛
«بانك فريدوم فينانس قازاقستان» ا ق؛
Bank RBK ا ق؛
Forte bank ا ق؛
Altyn bank ا ق.
بيىلدان باستاپ قارىز الۋشىعا قويىلاتىن تالاپتار وزگەردى. ەندى ۇمىتكەر «7-20-25» باعدارلاماسىنا تەك ءبىر رەت قانا قاتىسا الادى. سونىمەن قاتار، قارىز الۋ كەزىندە ونىڭ اتىندا ءۇي بولماۋى، يپوتەكالىق كرەديتتەرىنىڭ بولماۋى قاجەت.
باعدارلاما 2029 -جىلعا دەيىن جۇمىس ىستەيدى.
تولىق اقپاراتتى مىنا جەردەن الۋعا بولادى.
وتباسى بانكىنىڭ باعدارلامالارى
№1. «نۇرلى جەر»
نەسيە مولشەرلەمەسى - 5 پايىزعا دەيىن؛
جىلدىق ءتيىمدى سىياقى مولشەرلەمەسى - 5,2 پايىزدان باستالادى؛
باستاپقى جارنا - ءۇي قۇنىنىڭ 20 پايىزنان باستاپ؛
قارىز بەرۋ مەرزىمى - 25 جىلعا دەيىن.
«نۇرلى جەر» - جاڭا پاتەر، جەكە ءۇي ساتىپ الۋعا مۇمكىندىك بەرەتىن حالىقتى قولجەتىمدى باسپانامەن قامتاماسىز ەتۋگە ارنالعان مەملەكەتتىك باعدارلاما. باسپانا دايىن كۇيىندە ساتىلادى. سالىنىپ جاتقان نىساننان پاتەردى ءوزىڭىز تاڭداي الاسىز. سونداي-اق، باعدارلاما قاتىسۋشىلارىنا سالىق جەڭىلدىكتەرى بەرىلەدى.
تولىعىراق مىنا جەردە.
№2. «باقىتتى وتباسى»
نەسيە مولشەرلەمەسى - 2 پايىزعا دەيىن؛
باستاپقى جارنا - ءۇي قۇنىنىڭ 10 پايىزنان باستالادى؛
قارىز بەرۋ مەرزىمى - 20 جىلعا دەيىن.
تۇرعىن ءۇي قۇرىلىس جيناق بانكىنىڭ بۇل باعدارلاماسىمەن اكىمدىك كەزەگىندە تۇرعان وتباسىلار عانا يپوتەكا راسىمدەي الادى. ولار:
كوپبالالى؛
جەتىم جانە اتا- اناسىنىڭ قامقورلىعىنسىز قالعان بالالار؛
مۇگەدەك بالاسى بار؛
I جانە II توپتاعى مۇگەدەكتىگى بار تۇلعالار.
باعدارلاما تالاپتارى:
اكىمدىك كەزەگىندە تۇرۋ؛
وتباسىنىڭ اتىندا باسقا ءۇي بولماۋى شارت؛
وتباسىنىڭ تابىس كوزىن راستاۋ؛
سوڭعى جارتى جىلدا وتباسىنداعى ءاربىر ادامنىڭ تابىسى 3,1 كۇنكورىس مينيمۋمىنان اسپاۋى كەرەك. 2023 -جىلى كۇنكورىس مينيمۋمى - 49567 تەڭگەنى قۇرايدى، ەندەشە وتباسىنىڭ ءاربىر مۇشەسىنىڭ تابىسى 153658 تەڭگەدەن اسپاۋى كەرەك.
ايلىق جالاقى، جەكە كاسىپكەرلىكتەن تۇسەتىن كىرىس (نوتاريۋس، ادۆوكاتتار، جەكە سوت ورىنداۋشىلارى جانە تاعى باسقا) ، وتەۋلى قىزمەت كورسەتۋ شارتى بويىنشا تۇسەتىن تابىس، تۇرعىن ءۇي تولەمدەرى، شاكىرتاقى (نەگىزگى كىرىس بولعان جاعدايدا) نەگىزگى كىرىس رەتىندە ەسەپتەلەدى. نەگىزگى كىرىس جەتكىلىكسىز بولسا قوسىمشا تابىستى (زەينەتاقى جانە زەينەتاقى اۋدارىمدارى، ەكولوگيالىق تولەمدەر) قوسىپ ەسەپتەۋگە بولادى. وزگە جاردەماقىلار كىرىس رەتىندە ەسەپتەلمەيدى. باعدارلاما قاتىسۋشىسى ءوتىنىم بەرگەن كەزدە جۇمىسسىز بولسا نەمەسە كىرىسى جەتكىلىكسىز بولسا، وندا قوسالقى قارىز الۋشىنى تارتا الادى.
قارىز سوماسى:
استانا، الماتى، شىمكەنت، اقتاۋ جانە اتىراۋدا - 15 ميلليون تەڭگەگە دەيىن؛
باسقا وڭىرلەردە - 10 ميلليون تەڭگەگە دەيىن.
باعدارلاما ارقىلى تەك جەرگىلىكتى اكىمدىكتەر ارقىلى سالىنعان الەۋمەتتىك نەسيەلىك تۇرعىن ءۇيدى ساتىپ الۋعا بولادى. تولىعىراق مىنا جەردە.
№3. «شاڭىراق» («5-20-25»)
نەسيە مولشەرلەمەسى - %5؛
جىلدىق ءتيىمدى سىياقى مولشەرلەمەسى - 5,2 پايىزدان باستالادى؛
باستاپقى جارنا - ءۇي قۇنىنىڭ 10 پايىزنان باستالادى؛
قارىز بەرۋ مەرزىمى - 20 جىلعا دەيىن.
اكىمدىك كەزەگىندە تۇرعان قازاقستاندىقتار «5-20-25» باعدارلاماسىنا قاتىسىپ يپوتەكا راسىمدەي الادى.
«شاڭىراق» پيلوت جوباسىنا تۇرعىن ۇيگە مۇقتاج رەتىندە اكىمدىكتە ەسەپتە تۇرعان ازاماتتار قاتىسا الادى. باسپانانى كەز كەلگەن جاڭا تۇرعىن ءۇي كەشەنىنەن، جەكە قۇرىلىس سالۋشىلاردان ساتىپ الۋعا بولادى. سونىمەن قاتار باسپانانى ۇلەسكەرلىك قاتىسۋ شارتى بويىنشا الۋعا مۇمكىندىك بار. ءبىراق، ول ءۇشىن قۇرىلىس كومپانياسىندا «تۇرعىن ءۇي قۇرىلىسىنا كەپىلدىك بەرۋ قورى» ا ق كەپىلدىگى بولۋى كەرەك.
باعدارلاما تالاپتارى:
تۇرعىن ۇيگە مۇقتاج رەتىندە اكىمدىكتە ەسەپتە تۇرعان ازاماتتار قاتىسا الادى؛
سوڭعى التى اي ىشىندەگى وتباسىنىڭ ءاربىر مۇشەسىنە كەلەتىن تابىستىڭ ءبىر ايلىق كولەمى 3,7 كۇنكورىس مينيمۋمىنان، ياعني 150098 تەڭگەدەن اسپاۋى ءتيىس؛
قارىزدىڭ ەڭ ۇلكەن سوماسى:
استانا، الماتى جانە وسى قالالاردىڭ ماڭىنداعى ايماقتاردا - 18 ميلليون تەڭگە؛
اتىراۋ، اقتاۋ، اقتوبە، تۇركىستان، شىمكەنت جانە قاراعاندى قالالارى، سونداي-اق قاراعاندى وبلىسىندا - 15 ميلليون تەڭگە؛
باسقا ايماقتاردا - 12 ميلليون تەڭگە.
اكىمدىك سالعان نەسيەلىك تۇرعىن ءۇي بويىنشا 1 شارشى مەتر باعاسى:
الماتى قالاسىندا - 240 مىڭ تەڭگەگە دەيىن؛
استانادا جانە وسى قالا ماڭىنداعى ايماقتا - 220 مىڭ تەڭگەگە دەيىن؛
شىمكەنت قالاسىندا جانە الماتى ماڭىنداعى ايماقتا - 200 مىڭ تەڭگەگە دەيىن؛
اقتوبە، اتىراۋ، اقتاۋ، تۇركىستان، قاراعاندى قالالارىندا جانە قاراعاندى وبلىسىندا - 180 مىڭ تەڭگەگە دەيىن؛
باسقا ايماقتاردا - 160 مىڭ تەڭگەگە دەيىن.
تولىق اقپارات مىنا جەردە.
№4. «ءوز ءۇيىم»
نەسيە مولشەرلەمەسى - 3.5 پايىزدان 7 پايىزعا دەيىن؛
جىلدىق ءتيىمدى سىياقى مولشەرلەمەسى - 3,6 پايىزدان باستالادى؛
باستاپقى جارنا - ءۇي قۇنىنىڭ 20 پايىزدان باستالادى؛
قارىز سوماسى - 100 ميلليون تەڭگەگە دەيىن؛
قارىز بەرۋ مەرزىمى - 25 جىلعا دەيىن.
«ءوز ءۇيىم» - جاڭا سالىنعان ۇيدەن پاتەردى نارىق قۇنىنان تومەن باعادا بەرۋگە باعىتتالعان وتباسى بانكىنىڭ جەكە باعدارلاماسى. باعالار نارىقتاعى ءۇي قۇنىنان تومەن. قۇرىلىس بارىسىندا-اق ۇلەستىك قاتىسۋ ارقىلى ءۇي ساتىپ الۋعا بولادى، ول ءۇشىن ۇلەستىك قاتىسۋ تۋرالى كەلىسىمشارت، سونداي-اق قۇرىلىس كومپانياسى مەن وكىلەتتى ۇيىمدا «تۇرعىن ءۇي قۇرىلىسىن كەپىلدەندىرۋ قورى» ا ق كەپىلدىگى بولۋى تالاپ ەتىلەدى.
سالىمشىنىڭ اتىندا باسقا ءۇيدىڭ بار-جوقتىعى جانە قانشا ءۇي ساتىپ الايىن دەپ جاتقانى ماڭىزدى ەمەس. سالىنىپ جاتقان نىساننان پاتەر تاڭداۋ مۇمكىندىگى قاراستىرىلعان. باعدارلاما قاتىسۋشىلارى سالىق جەڭىلدىگىن الا الادى. ءۇي ساتىپ الىناتىن جەردە تىركەۋدە تۇرۋ مىندەتتى ەمەس.
تولىق اقپارات مىنا جەردە.
№5. جاڭا باسپانا 6/50
باستاپقى جارنا - %50؛
سىياقى مولشەرلەمەسى - %6 (س ج ت م 6,2 پايىزدان باستاپ)؛
كەلەسى 3,5 پايىزدان 5 پايىزعا دەيىنگى تۇرعىن ءۇي نەسيەسىنە اۋىسۋ مۇمكىندىگى قاراستىرىلعان؛
نەسيە سوماسى - 100 ميلليون تەڭگەگە دەيىن؛
نەسيەنى وتەۋ مەرزىمى - 25 جىلعا دەيىن.
باعدارلاما اياسىندا العاشقى نەمەسە قايتالاما نارىقتاعى تۇرعىن ءۇي، ۇلەستىك قاتىسۋ شارتى بويىنشا تۇرعىن ءۇي الۋعا، تۇرعىن ءۇي سالۋعا (جەر ۋچاسكەسىن ساتىپ الۋدى قوسا العاندا) بولادى. وعان تۇرعىن ءۇي تولەمدەرىن الۋشى، دەپوزيتتە تۇرعىن ءۇي سوماسىنىڭ 50 پايىزى بار ازاماتتار قاتىسا الادى.
تولىق اقپارات مىنا جەردە.
№6. «ۇماي» ايەلدەر يپوتەكاسى
نەسيە بويىنشا سىياقى مولشەرلەمەسى - %13,2، ارىز سوماسىنىڭ 50 پايىزى جينالعاننان كەيىن ول 3,5 پايىزعا دەيىن تومەندەيدى؛
جىلدىق ءتيىمدى سىياقى مولشەرلەمەسى - 14,1 پايىزدان باستالادى؛
باستاپقى جارنا - ءۇي قۇنىنىڭ 15-20 پايىزدان باستالادى؛
قارىز سوماسى - پاتەردىڭ باعالاۋ قۇنىنىڭ 85 پايىزعا دەيىن؛
قارىز بەرۋ مەرزىمى - 25 جىلعا دەيىن.
وتباسى بانكى ورتالىق ازياداعى تۇڭعىش گەندەرلىك يپوتەكانى ىسكە قوستى. وتباسىنىڭ ەڭ جوعارعى تابىسى 640 مىڭ تەڭگەگە دەيىن بولۋى كەرەك.
پاتەردى جاڭا سالىنعان ۇيلەردەن نەمەسە ەسكى ۇيلەردەن دە ساتىپ الۋعا بولادى. مەنشىگىندە باسقا جىلجىمايتىن مۇلىكتىڭ بار-جوعى بويىنشا شەكتەۋ جوق، ەكى قارىز الۋشىنى قاتىستىرۋعا بولادى.
تولىق اقپارات مىنا جەردە.
№7. «جاس وتباسى» باعدارلاماسى
بۇل باعدارلاماعا زاڭدى نەكەگە تۇرعانىنا 5 جىلدان اسپاعان وتباسىلار قاتىسا الادى. ول ءۇشىن ەرلى-زايىپتىلاردىڭ بىرەۋى نە ەكەۋى دە وتباسى بانكىندە دەپوزيت اشىپ، كەمى ءبىر جىل قاراجات جيناۋى شارت. سونداي-اق، نەسيە راسىمدەۋ ۋاقىتىنا دەيىن اتالعان دەپوزيتكە ساتىپ الاتىن تۇرعىن ءۇيدىڭ 50 پايىزىن جيناپ، باعالاۋ كورسەتكىشىن 5 ۇپايعا جەتكىزۋ قاجەت. ايتا كەتەيىك، جۇبايلاردىڭ جاس مولشەرىنە شەكتەۋ قويىلمايدى.
مولشەرلەمە - جىلدىق %6 (ج ت س م 6,3 پايىزدان باستالادى)؛
نەسيە سوماسى - 100 ميلليون تەڭگەگە دەيىن؛
نەسيە مەرزىمى – 6 دان 9 جىلعا دەيىن.
«جاس وتباسى» باعدارلاماسىنىڭ ارتىقشىلىعى - نەسيەنى جاڭا نە قولدانىستاعى ءۇي نە پاتەردى ساتىپ الىپ قانا قويماي، جەر ءۇي سالۋعا نە ۇيگە جوندەۋ جۇمىستارىن جۇرگىزۋگە دە پايدالانۋعا بولادى. سونداي-اق، 2 جىل وتكەن سوڭ جىلدىق مولشەرلەمە 5 پايىزعا دەيىن تومەندەيتىنى (ج ت س م 5,2 پايىزدان باستاپ) تاعى بار.
تولىق اقپاراتپەن وسى جەردەن تانىسۋعا بولادى.
№8. جاسىل يپوتەكا
جاڭا باعدارلاما ۇمىتكەردە ءۇيدىڭ بار-جوعىنا قارامايدى. سونداي-اق، جاسقا دا قاتىستى شەكتەۋ جوق.
باستاپقى جارنا - %20؛
جىلدىق پايىزدىق مولشەرلەمە - %12,5 (كەيىن 3,5-5 پايىزعا دەيىن تومەندەيدى)؛
ج ت س م - %13,3؛
نەسيە سوماسى - 35 ميلليون تەڭگەگە دەيىن؛
الدىن الا قارىز بويىنشا نەسيە مەرزىمى - 10 جىلعا دەيىن؛
نەسيەلەۋ مەرزىمى – 6 ايدان 25 جىلعا دەيىن.
يپوتەكاعا تەك جاڭا پاتەر الۋعا بولادى، ياعني قايتالاما نارىقتاعى پاتەرلەر بۇل نەسيەگە راسىمدەلمەيدى. سونداي-اق، پاتەردى تەك Omir، گوست ر، Breeam, Leed سەرتيفيكاتتارى بار تۇرعىن ۇيلەردەن الۋعا بولادى.
يپوتەكا الۋ ءۇشىن وتباسى بانكىنىڭ فيليالىنا بارىپ نەمەسە قاشىقتان جۇمىس ىستەۋ بولىمىنە بەينەقوڭىراۋ شالىپ، تابىستى ەسەپتەتۋ قاجەت. تابىس جەتسە نەسيە الۋعا ءوتىنىش بەرىلەدى. ءوتىنىش ماقۇلدانسا، بانك بولىمشەسىنە بارىپ، شارت جاساسىپ، اقشانى قۇرىلىس كومپانياسىنا اۋدارۋ قاجەت. تابىس جەتپەسە، ەكى بىرگە قارىز الۋشىنى تارتۋعا بولادى.
تۇرعىن ءۇي باعدارلاماسى بيىل، 2023 -جىلدىڭ 5-قاڭتارىنان باستاپ ىسكە قوسىلادى.
تولىق اقپارات مىنا جەردە.
جاستارعا ارنالعان وڭىرلىك باعدارلامالار
№1. ەلوردا جاستارى
قارىزدىڭ ەڭ جوعارى سوماسى - 18 ميلليون تەڭگەگە دەيىن؛
باستاپقى جارنا - %10؛
پايىزدىق مولشەرلەمە - %5؛
نەسيەنى قايتارۋ مەرزىمى - 25 جىلعا دەيىن.
جاڭا جانە ەكىنشى نارىقتاعى باسپانانى الۋ مۇمكىندىگى.
باعدارلاماعا جاسى 35-تەن (قوسا العاندا) اسپاعان جانە بەلگىلى ءبىر سالادا قىزمەت اتقاراتىن، سوڭعى 5 جىل ىشىندە وتباسى مۇشەلەرىنىڭ قازاقستان اۋماعىندا ساتىپ الۋ قۇقىعىمەن جالدامالى تۇرعىن ءۇيى نەمەسە مەنشىك قۇقىعىندا تۇرعىن ءۇيى بولماعان، استانا قالاسىندا كەمىندە 1 جىل تۇراقتى تىركەۋى بار قازاقستان ازاماتى قاتىسا الادى.
Elorda Zhastary تۇرعىن ءۇي باعدارلاماسى - استانا اكىمدىگى مەن وتباسى بانكىنىڭ 2021-2023 -جىلدارعا ارنالعان بىرلەسكەن جوباسى.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىعىراق مىنا جەردەن تانىسۋعا بولادى.
№2. الماتى جاستارى
قارىزدىڭ ەڭ جوعارعى سوماسى - 18 ميلليون تەڭگەگە دەيىن؛
پايىزدىق مولشەرلەمە - %5؛
باستاپقى جارنا - %10؛
نەسيەلەۋ مەرزىمى - 25 جىلعا دەيىن؛
جاڭا جانە ەكىنشى نارىقتاعى باسپانانى الۋ مۇمكىندىگى.
باعدارلاماعا جاسى 35 تەن (قوسا العاندا) اسپاعان جانە بەلگىلى ءبىر سالادا قىزمەت اتقاراتىن، وزىندە جانە وتباسى مۇشەلەرىنىڭ قازاقستان اۋماعىندا ساتىپ الۋ قۇقىعىمەن جالدامالى تۇرعىن ءۇيى نەمەسە مەنشىك قۇقىعىندا تۇرعىن ءۇيى بولماعان، الماتى قالاسىندا سوڭعى 6 ايدان كەم ەمەس رەسمي جۇمىس ءوتىلى بار قازاقستان ازاماتى قاتىسا الادى.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىق اقپارات مىنا جەردە.
№3. اۋليەاتا جاستارى
قارىزدىڭ ەڭ جوعارى سوماسى - 13 ميلليون تەڭگە؛
نەسيە مەرزىمى - 19 جىل؛
مولشەرلەمە - %5؛
باستاپقى جارنا - 5 پايىزدان باستاپ؛
باستاپقى جانە قايتالاما تۇرعىن ءۇي الۋ مۇمكىندىگى؛
باعدارلاماعا جاسى 35 تەن (قوسا العاندا) اسپاعان جانە بەلگىلى ءبىر سالادا قىزمەت اتقاراتىن، وزىندە جانە وتباسى مۇشەلەرىنىڭ قازاقستان اۋماعىندا تۇرعىن ءۇيى جوق، جامبىل وبلىسىندا سوڭعى 2 جىل ىشىندە تۇراقتى تىركەۋى بار، وڭىردە كەم دەگەندە ءبىر جىل جۇمىس ىستەگەن قازاقستان ازاماتى قاتىسا الادى.
باعدارلاما 2023 -جىلى قاشان ىسكە قوسىلاتىنى بەلگىسىز.
№4. جەتىسۋ جاستارى
سىياقى مولشەرلەمەسى - جىلدىق %5؛
ەڭ جوعارى سوما - 10 ميلليون تەڭگەگە دەيىن؛
باستاپقى جارنا جاڭا پاتەر ءۇشىن - %0، قايتالاما نارىقتاعى پاتەر ءۇشىن - %10؛
نەسيە مەرزىمى - 19 جىل.
باعدارلاماعا قالادا «جەتىم جانە اتا-انا قامقورلىعىنان ايىرىلعان بالالار» ساناتىنداعى باسپانا كەزەگىندە تۇرعاندار ءوتىنىش بەرە الادى.
سونىمەن قاتار ۇمىتكەردىڭ جاسى 35 جاستان اسپاعان، تالدىقورعاندا كەمىندە 1 جىل تۇراقتى تىركەۋى، سوڭعى 5 -جىلدا تۇرعىن ۇيگە مەنشىك قۇقىعى جوق، قالادا تاڭداعان سالاسى بويىنشا كەمىندە 1 جىل رەسمي جۇمىس ءوتىلى بولۋى كەرەك.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىق اقپارات مىنا جەردە.
№5. اتىراۋ جاستارى
باستاپقى جارنا - %10؛
نەسيە مولشەرلەمەسى - %5؛
نەسيە مەرزىمى - 19 جىل؛
اتىراۋ قالاسى بويىنشا ماكسيمالدى سوما - 18 ميلليون تەنگە (ءوڭىر اۋداندارىندا - 13 ميلليون تەڭگە)؛
ءۇي كەزەگىندە بولۋ مىندەتتى ەمەس، ءبىراق سوڭعى 5 جىلدا ۇمىتكەردىڭ جانە وتباسى مۇشەلەرىنىڭ اتىندا دا ءۇي بولماۋى كەرەك. وتباسى بانكىندە دەپوزيتىنىڭ بولۋى مىندەتتى. وتباسىنىڭ ءبىر مۇشەسىنە شاققانداعى سوڭعى 6 ايداعى تابىس ەڭ تومەڭگى كۇنكورىس دەڭگەيىنىڭ 6,3 ەسەسىنەن اسپاۋى ءتيىس.
باعدارلاما بويىنشا ءوتىنىش قابىلداۋ 1-اقپاندا باستالىپ، 20-اقپانعا دەيىن جالعاسادى. وتىنىشتەردى قالا جانە اۋدانداعى تۇرعىن ءۇي- كوممۋنالدىق شارۋاشىلىق باسقارماسى قابىلدايدى. مەكەنجايى: اتىراۋ قالاسى، ازاتتىق داڭعىلى، 101ا، 3 كابينەت.
تولىق اقپارات مىنا جەردە.
№6. اقتوبە جاستارى
باستاپقى جارنا - قارىز سوماسىنىڭ %10
پايىزدىق مولشەرلەمە - جىلدىق %5 (ج ت س م %5,2 باستاپ)
نەسيەنىڭ ماكسيمالدى مەرزىمى - 19 جىلعا دەيىن
قارىزدىڭ ەڭ جوعارى سوماسى - 15 ميلليون تەڭگەگە دەيىن*
ساتىپ الىناتىن تۇرعىن ءۇيدىڭ قۇنى - شەكتەۋسىز. (باعدارلاما قاتىسۋشىسى قارىزدىڭ ەڭ جوعارى سوماسى مەن تاڭدالعان تۇرعىن ءۇيدىڭ قۇنى اراسىنداعى ايىرماشىلىقتى ءوز قاراجاتى ەسەبىنەن تولەيدى).
باعدارلاماعا بەلگىلەنگەن سالادا جۇمىس ىستەيتىن، جاسى 35 جاستان اسپاعان، اقتوبە قالاسىندا جانە وبلىستا 1 -جىل رەسمي جۇمىس ءوتىلى بار، وزىندە جانە ونىڭ وتباسى مۇشەلەرىندە سوڭعى 5 جىلدا جەكە مەنشىگىندەگى جىلجىمايتىن مۇلكى جوق ازاماتتار قاتىسا الادى.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىق اقپارات مىنا جەردە.
№7. الاتاۋ جاستارى
باستاپقى جارنا: العاشقى نارىقتان - قارىز سوماسىنىڭ %0، قايتالاما نارىقتان - قارىز سوماسىنىڭ 10%؛
پايىزدىق مولشەرلەمە - جىلدىق %5 (ج ت س م %5,2 باستاپ)
قارىزدىڭ ەڭ جوعارى سوماسى - 10 ميلليون تەڭگەگە دەيىن
نەسيەنىڭ ەڭ جوعارعى مەرزىمى - 19 جىلعا دەيىن
ساتىپ الىناتىن تۇرعىن ءۇيدىڭ قۇنى - شەكتەۋسىز. (باعدارلاما قاتىسۋشىسى قارىزدىڭ ەڭ جوعارى سوماسى مەن تاڭدالعان تۇرعىن ءۇيدىڭ قۇنى اراسىنداعى ايىرماشىلىقتى ءوز قاراجاتى ەسەبىنەن تولەيدى).
باعدارلاماعا بەلگىلەنگەن سالادا جۇمىس ىستەيتىن، جاسى 35 جاستان اسپاعان، الماتى وبلىسىندا 1 جىل رەسمي جۇمىس ءوتىلى، تۇراقتى تىركەۋى بار، وزىندە جانە ونىڭ وتباسى مۇشەلەرىندە سوڭعى 5 جىلدا جەكە مەنشىگىندەگى جىلجىمايتىن مۇلكى جوق ازاماتتار قاتىسا الادى.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىق اقپارات مىنا جەردە.
№8. قاراعاندى جاستارى
باستاپقى جارنا - قارىز سوماسىنىڭ %10
پايىزدىق مولشەرلەمە - جىلدىق %5 (ج ت س م %5,2 باستاپ)
قارىزدىڭ ەڭ جوعارى سوماسى - 20 ميلليون تەڭگەگە دەيىن.
نەسيەنىڭ ەڭ جوعارعى مەرزىمى - 19 جىلعا دەيىن؛
ساتىپ الىناتىن تۇرعىن ءۇيدىڭ قۇنى - شەكتەۋسىز. (باعدارلاما قاتىسۋشىسى قارىزدىڭ ەڭ جوعارى سوماسى مەن تاڭدالعان تۇرعىن ءۇيدىڭ قۇنى اراسىنداعى ايىرماشىلىقتى ءوز قاراجاتى ەسەبىنەن تولەيدى).
باعدارلاماعا جاسى 35 جاستان اسپاعان، قاراعاندى قالاسىندا 1 جىل رەسمي جۇمىس ءوتىلى، تۇراقتى تىركەۋى بار، وزىندە جانە ونىڭ وتباسى مۇشەلەرىندە سوڭعى 5 جىلدا جەكە مەنشىگىندەگى جىلجىمايتىن مۇلكى جوق ازاماتتار قاتىسا الادى. وتباسىنىڭ ورتاق تابىسى ونىڭ ءاربىر مۇشەسىنە شاققاندا 6 ەڭ تومەنگى كۇنكورىس دەڭگەيىنەن اسپاۋى ءتيىس.
باعدارلاما 2023 -جىلى قاشان ىسكە قوسىلاتىنى بەلگىسىز.
تولىق اقپارات مىنا جەردە.
№9. اباي جاستارى
نەسيە سوماسى - 15 تەڭگە؛
باستاپقى جارنا - تۇرعىن ءۇي قۇنىنىڭ %10؛
جىلدىق پايىزدىق مولشەرلەمە - %5.
نەسيە مەرزىمى - 19 جىل.
«اباي جاستارى» باعدارلاماسىنا 18-35 جاس ارالىعىنداعى سەمەي قالاسىنىڭ تۇرعىندارى قاتىسا الادى. ايتا كەتۋ كەرەك، ۇمىتكەرلەر مەن ولاردىڭ وتباسى مۇشەلەرىنىڭ سەمەي قالاسىندا تىركەلۋى مىندەتتى. سونداي-اق، تالاپ بويىنشا، سوڭعى بەس جىلدا ۇمىتكەر مەن ونىڭ وتباسى مۇشەلەرىندە جەكە تۇرعىن ءۇيى بولماۋى ءتيىس.
باعدارلاما 2023 -جىلى قاشان ىسكە قوسىلاتىنى بەلگىسىز.
دەرەككوز: informburo.kz
