16:50, 01 - قىركۇيەك 2018 | GMT +5
تايلاندتىڭ 18 پروۆينسياسىن سۋ باسىپ، 162 مىڭ ادام جاپا شەكتى
بانگكوك. قازاقپارات - تايلاندتا جاۋعان نوسەر جاڭبىردان كەيىن سۋ تاسقىنى بولىپ، 162 مىڭ ادام زارداپ شەكتى، دەپ حابارلايدى تاسس اگەنتتىگى.
تابيعي اپات كورولدىكتىڭ سولتۇستىك- شىعىسىنداعى 18 پروۆينسيانى شايىپ ءوتتى.
باسىلىمنىڭ مالىمەتىنشە، 2 اپتا ىشىندە سۋ تاسقىنىنان 93 اۋدانداعى 2318 اۋىلدىڭ 162,711 تۇرعىنى زارداپ شەككەن. ءتورت ادام سۋعا كەتىپ، اجال قۇشتى.
قازىرگى تاڭدا ەلدىڭ 10 پروۆينتسيسىندا جاعداي ءبىر قالىپقا كەلگەن. ناكحونپحانوم، بۋنگكان، ساكون ناكحون، پحەتچابۋري، ناكحوننايوك، چاياپحۋم، كالاسين جانە ۋبون راتچاتحاني پروۆينسيالارىن جارتىلاي سۋ باستى. اتالعان وڭىرلەردىڭ 78 مىڭنان استام تۇرعىنى ءالى دە اپات سالدارىمەن كۇرەسۋدە.
