ەلىمىزدە اليۋمينيدىڭ تەك 17 پايىزى وڭدەلىپ، قالعانى ەكسپورتقا جىبەرىلەدى
ءمالىم بولعانداي، ەلىمىزدە بارلانعان 27 بوكسيت كەن ورنى بار. ونىڭ ىشىندە 15 ورىننىڭ بولجامدى قورى - 291,7 ميلليون توننا. بارلىق ونەركاسىپتىك ماڭىزى بار بوكسيت تورعاي دالاسىندا (قوستاناي وبلىسى) شوعىرلانعان.
«قوستاناي وبلىسىندا قازاقستان بوكسيت قورلارىنىڭ % 97,4 شوعىرلانعان. ال، اقتوبە وبلىسىندا - % 2,6. وڭدەۋ ونەركاسىبىندەگى اليۋميني سالاسىنىڭ ۇلەسى % 3,2 نەمەسە 0,66 تريلليون تەڭگەنى قۇرايدى. بوكسيت وندىرۋمەن اينالىساتىن جالعىز كاسىپورىن - «قازاقستان اليۋمينيى» ا ق، ال ونى باستاپقى وڭدەۋمەن «قازاقستاندىق ەلەكتروليز زاۋىتى» ا ق اينالىسادى. بۇل سالادا شامامەن 10 مىڭ ادام جۇمىس ىستەيدى»، - دەلىنگەن ونەركاسىپ جانە قۇرىلىس مينيسترلىگىنىڭ دەرەكتەرىندە.
كونسۋلتاتيۆتىك قۇجاتتا جازىلعانداي، اليۋمينييدىڭ شامامەن 17 پايىزى عانا ەلىمىزدە باستاپقى وڭدەۋدەن وتەدى. باسىم بولىگى ەكسپورتقا شىعارىلادى. بىلتىر شەت مەملەكەتتەرگە 233,4 مىڭ توننا اليۋميني جونەلتىلگەن.
