21:29, 02 - تامىز 2023 | GMT +5
وسكەمەندە 17 مىڭ تۇرعىن ينتەرنەتسىز قالدى
استانا. قازاقپارات - وسكەمەندەگى ەرتىس وزەنىندەگى كوپىردىڭ استىندا سىمدار ورتەنىپ، قالا جانە قالا ماڭىنداعى تۇرعىندار ينتەرنەتسىز قالدى، - دەپ حابارلايدى yk.kz.

«قازاق تەلەكوم» وكىلدەرى وقيعانىڭ ءمان-جايىن ايتتى.
«ەرتىس وزەنى ارقىلى وتەتىن كوپىردىڭ تراسساسىندا جوعارى ۆولتتى ەلەكتر جەلىسى قىسقا تۇيىقتالىپ، ءورت بولدى. سالدارىنان «قازاق تەلەكوم» ا ق كابەلى زاقىمدالدى»، - دەدى «قازاق تەلەكوم» وكىلدەرى.
قازىر وسكەمەندەگى ج م ك ىقشام اۋدانىندا، مەنوۆنوە جانە احمەر اۋىلدارى، تاۆريا جانە گەراسيموۆكا اۋىلدارى جانە ريددەر قالاسىنىڭ 16437 ابونەنتىندە ينتەرنەت جوق.
«قازاق تەلەكوم» ا ق جەدەل-قۇتقارۋ جاساقتارى زاقىمدانعان اۋماقتى قالپىنا كەلتىرۋ جۇمىستارىن جۇرگىزدى.