18:11, 01 - تامىز 2023 | GMT +5
كوپىر قۇرىلىسى كەزىندە كران قۇلاپ، 17 ادام قازا تاپتى
نيۋ-دەلي. قازاقپارات - ءۇندىستاننىڭ باتىسىندا ماحاراشترا شتاتىندا كوپىر قۇرىلىسى كەزىندە كران قۇلاپ، 17 جۇمىسشى قازا تاپتى، تاعى بىرنەشە ادام ءۇيىندى استىندا جاتىر.

وقيعا شاحاپۋر اۋدانىنا جاقىن ماڭدا، ەل استاناسى مۋمباي شتاتىنان 80 شاقىرىم قاشىقتىقتا بولعان، دەپ حابارلايدى قازاقپارات Reuters اگەنتتىگىنە سىلتەمە جاساپ.
ەل پرەمەر-ءمينيسترى نارەندرا مودي قازا تاپقانداردىڭ وتباسىنا قايعىرىپ كوڭىل ايتتى.
بيلىك قازا تاپقانداردىڭ وتباسىنا 200000 رۋپي (2430 ا ق ش دوللارى) جانە زارداپ شەككەندەرگە 50000 رۋپي (608 ا ق ش دوللارى) كولەمىندە كومەك كورسەتەتىنىن جاريالادى.
كەم دەگەندە ءۇش ادام اۋرۋحاناعا جەتكىزىلدى.
ءۇندىستاندا ءىرى قۇرىلىس الاڭدارىنداعى قايعىلى جاعداي - قالىپتى ءىس.
بىلتىر قازاندا گۋدجاراتتا كوپىر قۇلاپ، ونى جوندەۋ كەزىندە 130 ادام قازا تاپقان بولاتىن.
2016-جىلى كالكۋتتادا ادام تولى كوشەدە ەستاكادا وپىرىلىپ، 26 ادام مەرت بولعان ەدى.