اپتاپ ىستىق 17 ادامنىڭ ءومىرىن قيدى

سەۋل. قازاقپارات - وڭتۇستىك كورەيادا دەمالىس كۇندەرى اپتاپ ىستىقتان 17 ادام قايتىس بولدى.
None
Фото: Yonhap

ولاردىڭ كوبى كۇننىڭ ىستىعىندا دالادا جۇمىس ىستەگەن ەگدە جاستاعى فەرمەرلەر، دەپ حابارلايدى قازاقپارات وڭتۇستىك كوريانىڭ رەنحاپ اگەنتتىگىنە سىلتەمە جاساپ.

اپتاپ ىستىق تۋرالى العاشقى ماۋسىمدىق ەسكەرتۋلەر كۇشىنە ەنگەننەن كەيىن ەلدەگى ەڭ جوعارى تەمپەراتۋرا 35 تسەلسيي گرادۋسقا دەيىن كوتەرىلدى.

كورەيانىڭ اۋرۋلاردىڭ الدىن الۋ جانە باقىلاۋ اگەنتتىگى مەن ەلدىڭ ءورت ءسوندىرۋ كۇزەتى قىزمەتىنىڭ مالىمەتى بويىنشا، دەمالىس كۇندەرى اپتاپ ىستىقتان 17 ادام مەرت بولعان.

سولتۇستىك كەنسان پروۆينتسياسىندا 7 فەرمەر قازا تاپتى.

كەنسان پروۆينتسيالىق قالاسىندا 60 جاستاعى ازامات ەسىنەن تانىپ، ونىڭ دەنە تەمپەراتۋراسى 39,2 س كورسەتكەن. ول اۋرۋحاناعا جەتكىزىلگەنىمەن، جۇرەگى توقتاپ قالعان بولاتىن.

60 جاستاعى ەر ادام سوچحون پروۆينتسياسىندا بەيىتتىڭ ءشوبىن جۇلىپ جاتقاندا كۇن ءوتىپ، قايتىس بولدى. ءدال سول وڭىردە فەرمەر جۇمىس ىستەپ ءجۇرىپ مەرت بولدى. ونى تاپقان كەزدە دەنە تەمپەراتۋراسى 41 گرادۋس بولعان.

80 جاستاعى فەرمەر جەكسەنبى كۇنى مۋنگەن قالاسىندا جۇمىس ىستەپ ءجۇرىپ ەسىنەن تانىپ قايتىس بولسا، تاعى ءبىر 80 جاستاعى فەرمەر ەچحون وكرۋگىندە مەر بولدى.

تاعى ەكى فەرمەر سولتۇستىك چحۋنچحون جانە كەنگيدا پروۆينتسيالارىندا جۇمىس ىستەپ ءجۇرىپ قازا تاپتى.

بيلىك وكىلدەرىنىڭ سوزىنشە، قازا تاپقان ادامداردىڭ بارلىعىن تاپقان كەزدە دەنە تەمپەراتۋراسى جوعارى بولعان.

كورەيا اۋرۋلاردىڭ الدىن الۋ جانە باقىلاۋ اگەنتتىگىنىڭ دەرەگىنشە، سەنبى كۇنى التى ادام بولجام بويىنشا ىستىقتان قايتىس بولسا، جەكسەنبى كۇنى 16:00-دەگى جاعدايى بويىنشا 73 ادام ىستىققا بايلانىستى سىرقاتتان زارداپ شەككەن.

سوڭعى جاڭالىقتار